تلك الايام@

الاول لازم الاهتمام علشان اعرف ارد على الرساله مواصفات شريكة الحياة اللي بدوَّر عليها ❤️ مش بطلب المستحيل ، بس نفسي ألاقي اللي لما ابصلها أحس إن الدنيا لسه بخير، وإن الضهر اتسند والبال ارتاح. بنت أصول: عقلها راجح: مش بتقلب على كل كلمة، ولا بتخلي الحاجة الصغيرة حفلة دراما… عندها كده ذكاء أنثوي تعرف تلمّ الدنيا وهي ساكتة، وتخلّي الواحد يراجع نفسه من غير ما تعلي صوتها. دمها خفيف : تضحك من قلبها، تبقى فاهمة إن الحياة مش كلها جد، وإن الضحكة الحلوة ساعات بتعمل أكتر من ألف نصيحة. مش بدور على ملكة جمال،مش بهتم بالمقاييس، أهم حاجة تبقى مريحة لعيني، وحلوة في عين نفسها. تحبني وأنا على طبيعتي: مش عاوز أبقى في تمثيلية طول الوقت… أبقى على راحتي معاها، وأنام وأنا مطمن إن اللي جنبي شيفاني سند وامان لها ، مش اكون بالنسبالها مشروع فستان فرح. تحب البيت بس مش حابسة نفسها فيه: تبقى ست بيت لما البيت ينادي، وشريكة كفاح لما الطموح يشاور.