تلك الايام@

انا زملكاوي يعني إيه زملكاوي؟ يعني صبور بالفطرة، مؤمن بالأمل، وقلبي واسع بالقدر اللي يخليّني أستحمل كل حاجة... حتى الهزيمة في الدقيقة ٩٥ 😅 أنا راجل بـحب النقاش، مش بتاع جدل فارغ، لأ... بـفهم في السياسة، وبـتابع الشأن العام، وعندي مخزن معلومات ثقافية لو فتحت الموضوع هتلاقيني بـ أتكلم فيه كأني من سكانه الأصليين. مش انطوائي… بالعكس، أنا اللي بـ يبدأ الكلام في أي قعدة، واللي الناس بـ تفتكره صاحبهم من أول مرة. عندي كاريزما مش بتتشاف… بتتحس، وطاقة لو دخلت مكان، بـ يتغيّر مود القعدة تلقائي. شخصيتي قيادية… بس مش ديكتاتور! بـعرف آخد قرار، وبـسمع، ووقت الجد بـ أقف على رجلي، مش بـستخبى ورا الحيط. مش بحب التمثيل، اللي يشوفني في الشارع هو هو اللي هيعيش معايا في البيت… طبيعي، حقيقي، مش بتلوّن ولا بلبس أقنعة، ودي ندرة في الزمن ده. البيت عندي مش فندق… هو مملكتي، وسكني، ومطرح راحتي، ومراتي فيه مش ضيفة… دي الملكة المتربعة على العرش. مش برسم على الحيطان، لكن برسم البسمة… يعني لو زعلنا، بـ نرضي بعض، لو ضحكنا بـ نضحك من القلب، والملل مايعرفش طريقه لينا. وأهم من كل ده؟ أنا عارف أنا مين، ورايح على فين، وبدوّر على حد يشاركني الطريق مش يسألني "هو إحنا فين؟" كل ٥ دقايق 😄 بس يا ستي، في نقطة لازم تبقى واضحة: أنا مغترب. بـ أشتغل برة في شغل كويس، ومستقر، وربنا كارمني… والعودة النهاردة لمصر صعبة، مش لأني مش بـ حب بلدي، بالعكس، بس الظروف مش سايبة الواحد يضحّي بمصدر رزقه ويرجع يقبض بـ جنيه مايعرفش يشتري عصير 😅 يعني اللي تدور على راجل جاهز يستقر في مصر فورًا، يبقى الموضوع مش لينا… إنما اللي تدور على راجل مستقيم، ناجح، ومكافح وبيفكر بعقله قبل قلبه، تعالي نكمل كلام.