تجرربتي في مودة

نصيحتي لاي بنت تبي تدير علاقة ناجحة اولا لاتكثري من الاسءله عن الماده والعمل ومكان السكن خليك حشوميه اهتمي فقط بشخصية الرجل لانها هكذا تكون الرومانسيه والليبي مايحبش البنت القصقاصة واجد خليك ذوق شوي وبلاش من الشك والنقص راهو الراجل اساسا يدور علي راحته لما يلقاك قصقاصة يفوتك وعيب منك لما تسالي اسءلة سخيفة مثلا ليش طلقت وليش ماجوك عيال وكم الراتب هذا كله غلط ايضا لما تطلبي صوره من الراجل غلط عليش اسمه راجل معقوله انا ،،ايضا لاتكون امراه سكانه خليك ريلاكس وعندك ايمان بالنصيب وحاولي تكوني ذكيه وتعرفي الراجل اللي قدامك شنو يبي ايضا كوني صادقة مع نفسك ولاتكتبي كلام في صفحتك اكبر منك او انت مش قده مثلا وجدت بنت كاتبه احاديث شريفه وقران لكن اول ماتواصلت معاها طلبت صورتي وتبي تشوف لحيتي هذي قمة النفاق والتفاهه لكن مش عيب لو انت مهتمه بالمظهر اكتبي في صفحتك انك تبي راجل وسيم وخليك واضحة هكي انا نحترمك