abdallah.Tarek

عن عبدالله بن عمرو بن العاص رضي الله عنهما، أن رسول الله صلى الله عليه وسلم قال: --الدنيا متاعٌ، وخيرُ متاعِها المرأةُ الصالحة--؛ رواه مسلم. .. إسمي عبدالله طارق 29 سنة من القاهرة.. شغال جرافيك ديزاينر في مطبعة كبيرة الحمد لله ربنا يعلم إني هنا عشان بسعى الاقي اللي ربنا قسمهالي تشاركني حياتي، مش عشان اتسلى ولا اضيع وقت.. شخص بسيط من عيلة بسيطة.. بدأت اشتغل بشكل دوري من وأنا عندي 15 سنة، خبطت كتير في الحياة وخبطت فيا، ولكن ولله الحمد بعافر معاها وهفضل اقاوم لحد ما اموت.. - شغال جرافيك ديزاينر في شركة خاصة بالمطبوعات، اشتغلت على نفسي كتير وربنا وفقني واتعلمت المجال اونلاين من غير اي كورسات مدفوعة.. بحب شغلي وعندي طموح اوصل لأعلى مكان فيه.. راجل عصامي من صُغري ومسئول عن نفسي، بساعد أهلي، وبحاول اغير من حياتي بشكل مستمر.. بحب القراءة جدًا.. بحاول اكون افضل نسخة من نفسي.. بحب الصراحة والوضوح بحب اتعلم مهارات جديدة واكتشف وأطلِع.. كـ نوع من المغامرة والشغف في الإكتشاف.. عايز اعف نفسي بالحلال فـ بدور على بنت أصول تقف في ضهري ونقرب انا وهي لربنا دايمًا لأن الدنيا مش هي حياتنا.. تعينّي على الحياة وتشاركني حياتي بكل تفاصيلها.. تقدر إن ظروفي مهما كانت فـ انا مخترتهاش، ولكنها لازم تفهم إني بفضل الله بعافر وبحفر في الصخر عشان احسن وضعي وحياتي.. تكون عارفه واجبتها وحقوقها وحقوقي عليها، والفرق الجوهري بين الراجل والست.. وإن الفرق ده مش تقليل منها بل بالعكس دليل على دورها الكبير والعظيم اللي ربنا وهبهولها.. مش محتاج اكتر من إننا نرتاح لبعض واحس بشكل مبدئي إننا مناسبين لبعض.. وربنا يقدم اللي فيه الخير! ♥