حلال طيب يالله

المحبة أقوى سلاح تنجم تحارب بيه الدنيا، لمجرد وجود شخص متأكد أنو يحبك ساعات أكثر من روحو ... تحس بقوة كبيرة من داخل تخلي تواجه كل حاجة تعرضك ما غير خوف خاطر تعرف فمة شكون وراك من غير حتى ما يحسسك ... على خاطر المحبة، بعد معارِكنا و امتحاناتنا مهما كانت، هي ربحنا الحقيقي في الدّنيا .. على خاطر المحبّة، روح تحبّ نجاحك و تعاونك توصلو .. و تفرحلك يُمكن أكثر من فرحتك بروحك .. و تستوعِبك "بكُلّك" .. بخوفك و شكِّك و بظروفك مهما كانت و في أي وقت .. تدزّ معاك إذا يديك يرخّو، و تقلّك "راني نمّن بيك" "راني ديما معاك" إذا كان كفرت بقدرات ذاتك في لحظات ضُعفك و يأسك .. حْضُور ما يغيبش، في الفرحة كيما في المِحنة، في الصحّة كيما في المرض، فوق الأرض .. كيما تحتها .. في الدّنيا كيما في الآخرة .. المحبّة .. بعُمقها و وسعها تتلخّص في وجه يتبسّملك في وسط ملاين وجوه .. تبسيمة تقلّك "أنا نعرفك مليح .. و إنتِ قادر و قويّ .. " الرّاجل... المرا .. الحبيب-ة- .. الصّاحب-ة- .. و السّند ... الصدر اللّي يحمّل و يكفكف و يخفّف و يداوي .. و الصوت الصّادق اللّي يقلّك في آخر نهارك "هذا تعبك، و هذا حُضني .. " و اللي يحبك ما يخليكش...