MohamedElhadad

اسف على الاطاله قبل اي شيء ، الاولى اجبرتني اطلقها عشان تتجوز قريبها اللي جاي من الكويت وطبعاً خلى بيها واتمرمطت بعده واتجوزت غيره وطلقها وحواراتها كتير ، التانيه مقالتليش ان عندها مشاكل فالإنجاب وانها عملت عمليتين مع زوجها السابق ، ولما عرفت خلينا الموضوع سر بيني وبينها ، و رفضت تلتزم بالعلاج وطبعا محدش عرف يمشي عليها كلمه من اهلها وقالولي انها هيا اللي بتختار مصيرها ، وبعد سنه وشهرين زواج اديتها مهله سنه كمان تلتزم و لو مكانتش طوع فالحق هننفصل ، وانفصلنا دلوقت وطبعا اخدت كل شيء . الله يصلح حالهم الاتنين بعيد عني ويخلف عليا ، دلوقت عاوز اتجوز واحده متجوزتش قبلي وفتشت مش لاقي في البلد او بنات زمايلي واحده تصلح تكون ام وعندها عقليه تعرف يوم تربي طفل ، بجد ضاقت الدنيا بيا مش عارف اعمل ايه وكلها شهرين واتم 33 ، ومينفعش اصبر ٣ سنين بعد الطلاق زي المره الاولى عشان بتعرض لفتن كتير ، ولو استعجلت هيكون اختيار غير مناسب او اختيار يأس ، غير اني في مدينه شبه جديده يعني مفيش نظام خاطبه و الثقافه دي غير متاحه هنا وكل شقه قافله بابها على نفسها والخصوصيه هنا كبيره لدرجة اني معايا ناس في العماره من 4 سنين اعرفهم بس بالشكل من الطريق المسجد للعماره