شريف الأتربي

دآيماً مبنعرفش قيمه الحاجه غير لما تضيع مننا 😣 مبنعرفش قيمه الوقت الا بعد ما نضيعه ⏱️ مبنعرفش قيمه الصحة إلا لو لقينا نفسنا قاعدين مش قادرين حتي نجيب كوبايه الميه نشرب و مستنيين حد يجبهلنا 💉 الراجل مبيعرفش قيمه مراته الا لو طلقها ساعتها بيعرف إن كان معاه جوهرة و ضيعها ، الحبيب مبيعرفش قيمه حبيبته إلا لو شافها مبسوطه مع غيره و بيعاملها احسن منه ❤️ و واحد يفضل يقول أمي خنقتني وعايز اسيبلها البيت بس لو رجع البيت و ملقهاش يتخض و يجري يكلمها يشوفها فين 👩‍👦🤰😢 حتي الطفل مبيعرفش قيمة اللعبه إللي معاه غير لو حس إن غيره هيخدها منه و يلعب بيها 👼 و حاجات كتير في الحياه مبنعرفش قيمتها طول ما هي معانا ، و أول ما نفقدها نبقي مستعدين نعمل المستحيل عشان نرجعها " بس للأسف بيكون فات الأوان - و إللي راح عمره ما يرجع تاني ، حتي الدنيا نفضل نشتم فيها و نتمني نخلص منها بس ساعه الموت نبقي متمسكين بيها و خايفين نسيبها ، و نتمني لو لحظه واحده بس نعيش فيها تاني 😢 دي طبيعه الانسان متعلمش يحمد ربنا و يرضي باللي قسمه له و دايما عايز اكتر و فاكر إن السعاده بالكتره ، ميعرفش إن حاجه قليله اوي ممكن تخليه طاير من الفرحه 🤗 عشان كده حاول كل يوم تشوف انت عملت ايه غيرك معرفش يعمله وقول يارب 🤲🏻 هتلاقي إن ابسط حاجه عملتها من غير ما تاخد بالك منها اكيد في حد غيرك معملهاش و نفسه يعملها ، ده انت لما صحيت من النوم واحد غيرك مات و مصحاش ... إحمد ربنا علي كل نعمه ادهالك و اعرف إنه بيحبك و بيديك و صدقني مش مستني منك غير الحمد الحمد لله ☺ ياجماعة حاولو تحافظو علي كل حاجه في إيديكم قبل ماتروح منكم ، انا دخلت هنا وعشمي من ربنا كبير وإنه هيعوضني عوض كبير اوي ولكن اتمني انه يعوضني بإنسانه ارتبط بيها عن حب علشان اعرف قيمته دايما في حياتي ومتكونش بالنسباللي مجرد زوجه وبس عرفتها في كام رساله واتجوزتها من كام رساله وشوفتها مره واحدة وقولت هي دي وبس وضحكت علي نفسي وعليها علشان مااخدناش الوقت الكافي نعرف بعض . اتمني تفهمو كلامي كويس اوووي واتمسكو بكل حاجه مرت او هتمر في حياتكم لأن في حاجات بتمر صدفه ومبتتعوضش تاني 🫶 ربنا يكرمكم وتلاقو إللي انتم عاوزينه هنا ويكرمني انا كمان والاقي إللي بتمناها 🤲🏻ياااارب🤲🏻 شريف الأتربي . مصر الجديدة . بشتغل مهندس بقسم المواصفات والجودة بجهاز حماية المستهلك مجلس الوزراء ، خريج هندسة ، ارمل من ٣ سنوات ، اي تفاصيل اخري انا تحت امرك