-محمد-علي

في حياتك كيف تقرر تعرس ما فماش ما أسهل من إنك تلقى المرا ال typique .. " المرا اللي تهني " حسب التعريف التونسي .. تهنيك على صغارك و تعاشرك بالحسنة و تهنيك عالدار .. مرا فكرتها عالعرس منحصرة في الواجبات كيما التطييب و التنظيف و جيبان الصغار و تربيتهم .. لكن حياة كيما هكا بش تكون ماسطة برشاا و روتينية .. ما فيهاش طعم .. أغلب الناس ديما يختارو المرا هذي و بش تلقاها ساهل .. لكن إنك تلقى إنسانة مُفكرة هو الصعيب .. إنسانة كي تقعد معاها ما تحكيلكش على خدمتك و شهريتك و عندك دار ولا لاا .. تحكي معاك في حاجات من مستوي فكري آخر .. مرا ذكية تعرف فاش تحكي تعرف كيفاش تعيش و كيفاش تتعامل مع الحياة و كيفاش تعطي طعم للحياة الروتينية .. عندها valeur و potentiel .. وجودها مش جمالي و جسدي كاهاو .. إنسانة عندها existence intellectuelle .. تنجم تنتج أفكار ما تستهلكش كاهاو .. الحديث معاها ينجم يُثيرك فكريا و يحققلك ال brain orgasm و يستفز العقل متاعك بطريقة إيجابية .. بكل بساطة مرا تنجم تضيفلك برشاا حاجات لحياتك و تحليها .. عندها ذوق موسيقي باش تقسم معاك موسيقى مزيانة .. و عندها ذوق سينمائي باش كل ليلة تشارك معاك فيلم مزيان .. عندها ذوق معيشي يخليها تختار أي حاجة مزيانة باش تقدمهالك .. خاطر العرس مش إرتباط قانوني فقط .. الإرتباط الفكري أهم ببرشا .. حاول ترتبط بإنسانة ما تهنيكش عالدار و أكاهاو .. تهنيك على روحك و على العقل متاعك .. و تهنيك على السنين اللي بش تعيشهم معاها .. مراا تنجم تعدي برشا سنين من حياتك تلوج باش تلقاها وما تندمش .