ع-أ

إنسان بسيط جدا، عايش الحياة ببساطة شديدة، عايشها بحلوها و مُرها، وأسعى لتحقيق طموحاتي وآمالي فيها بكل الطرق، وبإذن الله هحقق فيها اللي انا عايزة، مش بحب الكآبة والنكد، مُتفائل دايما وفي أحلك الظروم ببتسم وبحمد الله وعندي أمل مُستمر في الله لا ينقطع، إنسان ضحوك بحب أضحك كتير وبخلق الضحكة، واخد الأمور ببساطة، بحب أتمتع بكل شيء حتى أصغر وأتفة الأمور ممكن تسعدني وتمتعني، بحب أخرج وأروح أماكن جديدة وأسافر وأشوف كل جديد، بحب الهدوء والقعدات الهادية الجميلة، مش عايز من الدنيا غير لحظة حب حقيقية و صادقة خارجة من القلب و مُنَزَهة عن أي مصلحة وأي غرض، الحُب لشخصي فقط، لأني مش هاخد من الدنيا غير المحبة والحب، بتمتع بعقل المرأة وإحساسها وطريقة تفكيرها قبل جسمها، مش بيهمني الشكل الخارجي اللي بيهمني الروح والقلب والمعدن الأصيل، انا نحيف لكن وسيم و شكلي مقبول و محبوب بسبب شخصيتي، إنسان نقي جدا من جوة، وَفي و مخلص جدا وأهم شيء عندي قبل الحب الإحترام والتقدير والتفاهُم، إنسان كريم جدا لأبعد الحدود على قدر سعتي فلا يُكَلِفُ اللهُ نَفساً إلا وِسعَها، بفكر في الإنسان اللي بحبة قبل ما بفكر في نفسي، إذا حبيت بكون جزء لا يتجزأ من اللي بحبة، بفرح لفرحة وبتألم لألمة وبكون ظهر وسند لية، اللي يأذية يأذيني واللي يسعدة يسعدني واللي يحبة يبقى حبني، أحب التفاهم وكل شيء يبقى بالعقل والمنطق، وكل شيء في الدنيا وله حل، الدنيا بتتغير والناس بتتغير ومافيش حاجة بتفضل على حال واللي ترتبط بية تكون عايزاني لنهاية العُمر ظِل و ظَهر و سَنَد نتسند على بعض ونكمل الحياة لنهايتها بحلوها و مُرها، نتمتع بالحياة على قد ما نقدر في جو من المودة والرحمة والحب ونسند بعض ونبني بعض ونوقي بعض على الدنيا. وفي البداية والنهاية الرزق مكتوب والأجل مكتوب والزوجة الصالحة مكتوبة، فاللهُمَ الخير فيما إخترتة فرَبُ الخَير لا يأتي إلا بالخَير. والحمد لله رب العالمين