Hjmaj

قال الله تعالى في سورة المائدة : - يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ- يا سادة رجاء نتحلى بالرقى ونتحلى ببعض الذوقيات شئ ما بعض الإخوة بيعمل الاعجاب عشرات المرات وما يترد له اعجاب ......... معنى ذلك حضرتك قد ترانى مناسبة لك لكن أنا لا أراك مناسب ليا فميصحش تدخل تكتبلى أنت مش بتردي الإعجاب ليه .........نعم ايه العبث ده🤣 عفواً احنا هنا كل حد بيدور على حلمه وأقصد بالجملة دى كمان الناس المحترمة اللى فعلا داخلة للمكان ده بهدف الزواج فعلا مش الأشخاص التانية نهائي ومعلش البنت أو الست اللى هنا وداخلة وهدفها الأول والأخير فعلا الزواج ليها الحق فى الاختيار لأن مش جناب معاليك بس اللى له حق الاختيار فمش من حق حضرتك تدخل تقول انت مش بتعجبى بيا ليه زي ما أعجبت بيكى لأنك ببساطة ممكن تكون مش حلمها ولا اللى بتفكر فيه أصلا أو حتى لو كنت حلمها لكن فى أمر من البداية فى حياتك مش هيكون مناسب ليها فبتسكت علشان هى عايزة الإنسان الصح بما يرضي الله مش واحد ترجع تقعد تلوم عليه ظروفه كذا أو عندك كذا مش مناسب ليا بعد ما يكون مر فترة عليهم من التعامل مع بعض وبعد كده كل واحد يرجع يندم . والأخ الآخر اللى بيدخل ويتطفل على الرسائل مباشرة ويرسل فى رسائل كتير وفى الأخر يتواقح وأنت كذا لمجرد أن رسلته مش بيترد عليها .........فى إيه يا جماعة بجد 🤔😳🤣 أنتم شايفين نفسكم إيه. والاسخف بقى الناس بتاعت من أول وهله سلام عليكم عرفينى بيكى وبأهلك من يوم ما جدك السابع عشر أتولد وعايز أشوف أفراد الأسرة بتاعتك فرد فرد وساكنة فين تحديداً وياريت لو تبعتي اللوكيشن 🤣🤣🤣🤔وهو كل اللى متاح عنه أسمه فقط والله العالم كمان صح أو غلط طيب أنت مين بتشتغل إيه ابن مين يطلع برد خزعبلى كده أنت ازاى تقولى كده أنت مش واثقة فيه 🤣🤣🤣🤣مع احترمي لأفراد أسرة حضرتك فرد فرد أنا أعرف معالى جناب عظمة سيادتك منين علشان أثق فيك أصلا . يا جماعة عيب عيب عيب احنا كبار مش صغيرين والأمر بالمعروف عرض وطلب بمنتهى الرقى والاحترام والتفاهم اللى يناسبه اللهم بارك واللى ما يناسبه فى أمان الله ارتقوا يا جماعة وافهموا أننا هنا لتعارف حضرتك تعرفنى عن نفسك وأنا أعرفك عن نفسك لاقينا بينا تفاهم ولغة حوار يبقى فى خطوة بعد خطوة وبعدين خطوة رسمية بما يرضي الله مش ازيك أنا أحمد وأنا منى هوب أنت مراتى يا بت 😂 دا كلام الأطفال والمراهقين والعالم الصغيرة اكبروا يا جماعة عيب كده والله