Mohamedtalin

شخص طموح جدا وبسعي وبجتهد طول الوقت ومتحمل للمسؤليه وبار جدا بأهلي الحمدلله ، طيب وحنين هادى الطباع مش متسرع . مواقف الحياة وتجاربها علمتني كتير وحاولت استفيد من الدروس والمواقف اللي اتحطيت فيها الحمد لله .. اتعلمت ان كتير اللي عندهم زوجه وقليل اللي عنده شريكة حياة والفرق بينهم كبير! اتعلمت إن تلاقي النفوس والأفكار أهم كتير من تصافح الأيدي والأشخاص .. النفوس الخيرة اللي بتشوف الناس بقلوبها ومش عايشين للمادة والمظاهر وبس بيبان عليها من الأول وبدون تكلف بتدخل قلوب الناس .. والعكس صحيح! هدفي في الحياة اني أبني حياة سوية واشارك حياتي مع حد يتقي ربنا ويختلف معايا برقي واحترام .. بنت تعرف يعني ايه راجل وبأسلوبها تخليه عايز يجيب لها حته من السما.. المكتسبات المادية آخر أولوياتي .. والشخص الحنين اللي تحس معاه بسكينة ويكون عايزك قبل ما يكون عايز منك وتكون الحياة معاه فيها مودة ورحمه هو أعظم مكتسب فعلا .. وصدق الرسول عليه الصلاة والسلام لما قال "خير متاع الدنيا المرأة الصالحه" هدفي إني أبني جيل سوي نفسيا وفكريا مع شريكة حياتي- ذرية تتقي ربنا وتكون قدوة.