Fatma070

انا انسانة بحب الصراحة جدا ف المشاعر او الاحاسيس، متخبيش عليا وصارحني بالحاجة حتي لو هتدايقني ونتكلم ونتناقش فيها سوا بهدوء. وان شاءالله نلاقي لها حل سوا . انا انسانة هادية جدا ف الاول بس بعد كدا لو بقينا متفاهمين وأصحاب ببقي ابعد ما يكون عن الهدوء😂.. بكره حاجة اسمها عصبية بجد، وبكره حاجة اسمها نكد مبقبلوش نهائي.. وانا انسانة متفهمة جدا جدا عامتا ودماغي مش مقفله واتقمص واخد جمب كدا لا خالص، مش باحب انام واحنا متخاصمين بحب النقاشات الطويله والكلام الكتير ف مواضيع بحبها، . حابة اللي قدامي ميكونش كلامه قليل لاني انا already كلامي قليل ف مش هنبقي احنا الاتنين بقا😂. عايزة حد ينكشني كدا ويخليني اتكلم واهزر معاه. انا مثقفه الحمد لله وبحب القراءة جدا .عربي وانجلش وعندي هوايات كتير من ضمنها الرسم بيقولوا رسمي حلو وبحب الاطفال وبيحبوني جدا وبحب اللغات اوي، مش غرور فعلا بس بحس دماغي انضج من كتير في نفس سني، حتى ماما بتعتبرني صديقتها وبتاخد رأيي كتير وكمان اصحابي😂 عايزة اللي يقدرني ويحتويني 💕. بعيدا عن ان سني صغير لكن الحمدلله واثقه من نفسي من ثقة بابا وماما فيه ودي نعمة احمد ربنا سبحانه وتعالى عليها . الحمدلله ربنا وهبني قدر من الجمال والجاذبية بيقولوا لي كده يعني🥰 و بفضل الله باحس اني سابقة سني واللي قدي في نفس عمري. وحابة ابتدي مرحله جديدة حياتي مع حد يشجعني ويكون حنين عليا وعاقل ويسمعني ويقدرني ويحترم رأيي وكلامي، ويعرف ان الزواج دا partnership مش تملّك وتحكم ف الطرف التاني، مبحبش التحكم او ان انفذ اللي يتقالي من غير ما افهم انا مش كدا ولا عمري كنت كدا، فهمني وجهه نظرك واشرحلي وان شاءالله اقتنع بكلامك هنفذه وهسمع كل كلامك، لكن احترم عقلي ورأيي، انا وقت الجد جد جدا ووقت الهزار مفيش اجن مني حرفيا😂 مش اجتماعيه اوي يعني بحب قعدة البيت ومبحبش الاختلاط الزيادة بالناس اللي معرفهاش مش سهل ادخل اي حد حياتي او اثق ف اي حد، كتومة ومش بطلع اسرار ابدا لحد الا لو واثقه فيه فعلا ودا شيء نادر يحصل اساسا😂😂 جايز يكون الكلام اللي كاتباه عن نفسي مبيني weird لكن انا ف الحقيقه فعلا قلبي ابيض جدا وعمري ما اذيت حد او حقدت علي حد الحمدلله انه نزع من قلبي صفة الحقد دي، وانا متكلمة اكتر عن الحاجات اللي انا صعبه شويه فيها عشان لو الطرف التاني قبلها كدا سهل انه يحبني لأن لسه فيا كتير اوي اوي حلو شايلاه للشخص اللي من نصيبي بإذن الله❤️