بوم بوم

إحنا محتاجين في حياتنا "طرف مضمون" سواء كان: صديق، حبيب، قريب. المُهم الأيام ما تغيّروش، شخص يكون فاهم دوره في العِلاقة وعارف واجباته ومُكتفي بحقوقه، حد كدا لما نبُص في عينه نشوف نفسنا فيها، شخص يكون "حنيّن، مُريح، سند"، ويهوّن علينا أيامنا ويبقى المُتنفّس الوحيد لينا في دُنيا كاتمة على أنفاسنا، إحنا لا عايزين ملايين ولا تفرق معانا رفاهيات الحياة دي كُلها، إحنا بس محتاجين نرتاح ونحس بأمان، محتاجين نلاقي إيد بتطبطب علينا لما نزعل، وبتشدنا لما نُقع، محتاجين نتطمن.. نتطمن وبس.