.فضفضه

لما نقرر ننهي سنين الوحدة و نتجوز 💍👩‍❤️‍👨 لازم نختار حد روحنا رايحه فيه تماماً⁦ حد عايزين نصحى كل يوم الصبح على ضحكته أو حتي تكشيرته بس نصحي علي وجوده ... حد عايزين نصحى اصلاً عشانه .. نقف بالساعات في المطبخ نعمله حاجة بيحبها ... نستحمل تعب اي حاجة عشانه،، الشخص المناسب تماماً اللي نترمي في حضنه بعد يوم طويل تعبنا فيه .... مانتكسفش نتعب قدامه نسخن و نخرف قدامه ويقلق علينا و نتهزم قدامه و لما مانبقاش قادرين نمشي واثقين إننا هنتسند عليه .... حد يفهم قد ايه الدنيا بهدلتنا و جات علينا زي ماجت عليه والله نبقى واثقين انه هايشوف عيوبنا كلها ،، كلها! و هيحبها ⁦ نبقى عايزين نعيش معاه حتى بعد ما نموت ،، نسهر للفجر ندعيله مش نشتكي لربنا منه ... حد لما نحس ان الدنيا كلها كرهانا يبقى هو الحضنّ و الحب الوحيد ،، لما نعيط يستحملنا و يهدينا مش يقول "نكدية". يبقى فخور بينا كأنه اسعد حد في الدنيا ويحسسنا ان حب الدنيا كله قليل علينا .... حد نبدأ معاه صغيرين اوي و نكبر مع بعض و نبقى أحسن و يحمينا من نفسنا و خوفنا و تعبنا و يكون قادر يقدر علينا من غير ما يكسرنا و يعرف كل نقط ضعفنا من غير ما يذلنا بيها. يحبنا زى ما احنا كده و بس عشان دا اكبر سبب هيغيرنا للأحلي بيه وليه .... يكون فاهم إن بعد كل لحظة صعبة عاشها علشانا أو حتي بسببنا إننا في النهاية نهينا سنين الوحدة علشانه هو ..♥️