مؤمن.العسلي

اسمي مؤمن العسلي تاجر مواد غذائيه وعندي خط تعبئه وتغليف ومجال شغلي بصفه عامه في التجاره فضلت ٣ سنين ونص متجوز ربنا كرمني بولدين واحد فضل معايا سنه و٣ شهور والتاني مشفتهوش -مش راضيين يوروني ولا واحد منهم - اصعب ايام مريت بيها في حياتي مشاكل الجواز والقضايا والاصعب انهم خدوا عيالي ومش عارف اشوفهم تاني محتاج حد يبقي جنبي يحبني واحبه ويخلي باله عليا ويهتم بيا حد يكون نصفي الاخر بمعني الكلمه مش بطلب المستحيل والله وداخل جد كمان ومحتاج ابدأ من جديد شويه ملاحيظ كده انا شوفت حاجات غريبه الناس كتباها في المواصفات ... ثقي تمام ان الاشياء ليس كما تبدوا بالنسبه للي مخاضش التجربه ... احب ابشرك ان اصعب حاجه هتقابلك الاختيار اختار صح علشان ماتتعبش انا مليش في التسليه والكلام ده مفيش دماغ اصلا للكلام ده وكمان شايف نفسي سني كبير دا بقي عندي ٣٢ سنه فمش هعلق علي الناس اللي كاتبه جاااد والحاجات دي من خلال تجربتي فالحياه الزوجيه مرحله جديده وغريبه لو انت ماتجوزتش قبل كده فمش هتفهمها ولو شرحتهالك طول حياتك ... الاهم يكونوا هما الاتنين بيهتموا ببعض بيفهوا بعض مكملين لبعض وكلمه مكملين لبعض دي حط تحتها مليون خط علشان دي بتبقي بدايه الاهتمام اللي بيجيب الحب ويخلي الحياه سعيده .. لا تستعجل اتجوز وانت عندك ٤٠ سنه وعيش سنتين سعيد اختار كويس واتجوز المقارب من عمرك علشان بيبقي قريب منك من التجارب اللي اللي هو مر بيها مينفعش مثلا واحد عنده ٣٠ سنه يتجوز ٢٢ سنه فرق ٨ سنين من التجارب وتقلبات الدنيا وخبرات الحياه هو مر بالتجارب بتاعتك واللي هتمري بيها اي نعم بس هو بيبقي ملهي في مواجهه التجارب اللي في سنه فمش هيهتم بتجاربك علشان انتي بعيده خالص عنه .... فهمتي حاجه بصفه عامه احب اقولكم ان الجواز ده حاجه غريبه وثقي تماما ان الطيور علي اشكالها تقع وللقاعده شواز علشان السوق مليان غش الايام دي فعلشان كده هتلاقي المطلقون والمطلقات اللي انا بقول عليهم دي الناس اللي اكتشفت ان الطيور دي مش من اشكالها بس وقعت غلط علشان هاجرت تاني من عشها وطبعا ممكن يكون الزوج هو الطير الوحش وممكن تكون الزوجه فلازم تميز علشان ماتندمش في وقت لا ينفع فيه الندم بالمناسبه السعيده دي احب اقولكم ان انا داخل هنا علشان الفضول من الدرجه الاولي واهو بستفاد من الي كاتبينه وكمان شايفكم كلكم وجه بحري وانا من سوهاج ففرصتي ان حد من بعيد يتنقل هنا هتبقي صعبه عليه بس علي الاقل حاول تستفاد من الكلام اللي فوق هينفعك في يوم من الايام وكمان انا بتكلم بلغه المذكر علشان مش بتعامل مع الجنس الاخر كلهم تجار فانا كنت بكلمك انتي ومغلطتش اعتبروني عابر سبيل بالتوفيق للجميع