Meddda

الحمد لله انا شاب نصلي نحاول تكون اغلب صلواتي في المسجد او في جماعة على الاقل نحاول نجعلى ورد من القران وان تكون لي جلسات مع نفسي من فترة لفترة و ما نكذبش نقلك اني ورع وتقي لا وخاصة هذه الفترة ايماني في ادني المستويات و لكن نحاول اني اجعل منهج حياتي حديث الرسول صلى اتَّقِ اللَّهَ حَيْثُمَا كُنْتَ وأَتْبِعِ السَّيِّئَةَ الْحسنةَ تَمْحُهَا، وخَالقِ النَّاسَ بخُلُقٍ حَسَنٍ حريص علي لرياضة من فترة لفترة و البسكلة هاكي المانستغناش عليها و نحب رياضات عموما كنت امارس رياضة التيكوندو و الكشافة واني صغير نحب البحر و السفر والترحل و التخييم في الطبيعة 😁و و ياحبذا لو نمارسهم مع زوجتي وعيلتي نحب الانقليزي زادا نحب ندقنه و يلزمني ندقنو عندي B2 من بورقيبة سكول ونحب نتحسن لانه مهم في الحياة الشخصية والمهنية . اقرا مقالات ساعات متنوعة وتشدني الي المقالات التي تحكي مواضيع فكرية و مواضيع كتربية الاطفال و الزواج 😁 نبعثلك منها ان شاء الله بنسبة للكتب فانا غالبا نحاول نسمعها. نحب علاقتي مع زوجتي تكون علاقة مودة ورحمة يعني منغير تعقيدات تكون تغمر الدار بجو وبضحكة وتتعامل بأريحية اهم حاجة خاصة الفترة لولة هي الصدق و انه الواحد يكون على طبيعته بلا تكلف.