mido_mido20o8

السلام عليكم انا حابب بس اقول شىء مهم : طبعا انا ما عنديش اى مشكلة انى اعرض بياناتى بالتفصيل للجميع لكن من خلال تجربتى مع ستات فاضلات او انسات محترمات من الحياة او من خارج الموقع لقيت ان معظم تفكير السيدات او البنات فى التوقيت الحالى لا يخرج عن حاجتين يا إما شخص شكله و مظهره حلو و بقصد بكلمة حلو انه يكون شكله امور كده ومش باين عليه سن او سمبتيك كده فى لبسه و طبعا القصد من ده انها تتعايق بزوجها قدام صحابها و قرايبها و تقولهم شوفوا خطيبى او جوزى حلو و امور و شيك ازاى ... اما النوع التانى من السيدات بيفكر بطريقة عملية شوية و تقول مش هيفرق اوى شكله لكن المهم ان مستواه المادى يؤهله انه يعيشنى العيشة اللى انا بحلم بيها و العيشة اللى فى دماغى انا كانثى سواء بقى دى اول تجربة او تانى تجربة ليها .. اما النوع الاخير للاسف ممكن يشترط الحاجتين مع بعض وده بيبقى نوع صعب اوى .. يعنى من الاخر كده يا اما يكون الراجل ده ملمع فى نفسه و جذاب و ملفت يا اما يكون معاه قرشين ومعاه خميرة معقولة .. الله يعنى هو الجواز بقت هى دى شروطه بس و خلاص على كده فى الزمن ده ؟؟؟ طيب الاخلاق و الضمير و التدين و الصدق و الجدعنه و المعامله بالمعروف ترتيبهم كام فى القصة دى ؟؟ ممكن للاسف يبقى ترتيبهم فى اخر الشروط رغم انهم فى الاصل هما الاهم .. و لما تيجى تتكلم مع اى ست ترد تقولك انا وجهة نظرى كده و كل واحد حر فى وجهة نظره او حسب ما اتربىت على ايه او حسب ظروفى و هى وجهة نظرى كده ومش هغيرها و انا مقتنعه كده و خلاص ... حقيقى والله تعبت فعلا من كل الكلام ده اللى بسمعه من سنين طويلة و كانى حقيقى والله بدور على إبرة فى كوم قش بس عموما الله المستعان و ربنا يكتب لى الخير .. فى النهاية انا مهندس كمبيوتر و مصمم جرافيك 45 سنة ومش متجوز وما عنديش اولاد و بسكن فى ايجار جديد حاليا وبعد فتره هاخد شقة ايجار قديم 59 سنة بيدفع لها 500 جنيه شهرى فى حى يعتبر شعبى على قدى طبعا و اى استفسار تانى انا مستعد ارد عليه بصراحه و اتمنى الخير للجميع