قربي صوبي

الطامه الكبرى اللي داشه تستعبط وكاتبه انها غنيه لكن مواصفاتها مش ولابد , مثلا مطلقه وعاديه وتبي واحد ماسبقله الزواج و عمره مناسب و جميل و غني وصاحب منصب و غيره من الشروط اللي لو يشوفها بنغالي يقول ياحظ الكويتيين كلهم اغنياء وكلهم مناصب , الغني يا اختي هو الله سبحانه , اما من البشر فالغني يتبع الشهوات , يعني لو تسألين اي غني حتى انا شخصيا لو غني كان مافكرت ادش الموقع هذا , لأن الغني الناس تخطبه مو اهو يدخل ويبحث , لاتقصين على نفسج كاتبه غنيه وانج داشه الموقع عشان تبين تختارين بعيد عن الدقه القديمه عن طريق الاهل , لاتجذبين على روحج لان والله عارفين انج يا وحده داشه بأسمين وتستعبطين بواحد والثاني لأ او انك واحد وداش يتطنز , اما من ناحيه الغني فأنا اقولج الغني مايدخل هني والغني مثل ماقلت الناس تخطبه , ويدري ان البنات اللي هني مادخلوا الموقع الا من يأسهم ان ماتوفقوا بره الموقع , ثاني شي انا لو غني ماافكر اتزوج مطلقه لو شنو ماكان , مااتزوج الا الابكار , خليني اكون صريح معاج , لكن مايدخل هني الا الناس اللي على قد حالها , الناس اللي تبي تتزوج من ناس على قد حالها , اما اذا انتي غنيه صدقيني ماراح تشرفين علينا هني , انتي حتى ماعندج اشتراك النخبه او مادري شسمه عشان تقولين انا غنيه , عموما اذا كان فيه 1% من البنات جادات بالموضوع اتمنى انهم يكتبون شنو يبون بالضبط يعني حضري تكتب ابي حضري او بدوي تكتب قبلي وتكتب اسم القبيله اللي تبي لأن القبائل كثيره ومو كل قبيله تعطي الثانيه , اما تطلعلي وحده فوق ال40 وعندها عيال ومطلقه وتكتب شروط البنت اللي ماسبقلها الزواج واحلى منها تستحي تكتبها هذي اقولها عدلي بياناتج ترى انتي لو ماتكتبين شروط مستحيل تتزوجين فما بالج بالشروط اللي كاتبتها , انتي لو فيج خير جان ماتطلقتي بعد , و الكل منكم يروح المحكمه ويشوف نسبه الطلاق بين الكويتيين و بين الكويتيين اللي متزوجين من غير كويتيه , عشان مره وحده تعرفون انكم مو مال زواج , لدرجه ان المحكمه تطالب الحكومه بأن تفعل شي او تمنع الكويتي من ان يتزوج من غير كويتيه , وفوق ما ان الكويتي يتنتف ويطير معاشه تقريبا النص فوق هذا يطلق واهو مرتاح , ما سألتوا نفسكم ليش يدري ان راح يتبهذل بالطلاق وفوق هذا يطلق ؟ واغلب البنات اشوفهم مسجلين من سنه وفوق , يعني سنه صارلج بالموقع ومازلتي فيه ولما الحين مااستوعبتي ان مالج حظ ؟ غيري شروطج وارجعي لطبيعتج ووضعج واتمنى من الله انه يرزقج , وكلمه حق اقولها لكم بالنهايه و اقولها للجادات فقط , العزوبي لا تصدقونه