Marianna9

هناك ثقافة الزواج التقليدي وثقافة الزواج عن حب. ثقافة الزواج عن طريق المواقع قد تكون جديدة على البعض. فنرى بأن العديد يفتقر لأصول التعامل مع هذه الثقافة. وأنا كبنت، راح أعطيكم بعض النصائح للوصول لنتائج أفضل أثناء الحديث مع البنات في هذا الموقع. إذا انت تبي ترتبط بفتاة رومنسية لا تسألها "انتي رومنسية؟" أنت كرجل قد تكون دفش بس هذي بنت وغالباً سؤالك بيحرجها. ممكن تسألها عن نوعية الأفلام الي تحبها مثلاً. إذا قالت أفلام رومنسية فوصلك الجواب وإذا ما قالت فهذا مو معناته إنها مب رومنسية!! لا تقولها أنا دمي --- وأبي وحدة تتقبل هالشي.. هي شو عرفها بتتقبل ولا لا؟؟ لا تتكلم عن طليقتك أو أسلوبها في المعاشرة الجنسية عشان تجس النبض. من باب الذوق والأدب واحتراماً لأم عيالك ولبنت الناس الي قاعد تكلمها هذا غلط. لا تقول أبي وحدة مب خجولة ورومنسية وجريئة. إنت في هذا الموقع غالباً تكلم بنت عربية مب من دولة ثانية!! صار في قبول مبدأي وتبادلتو الصور.. إنت أرسلت عشرين صورة وانت واقف ويالس وتاكل وتشرب وتركب خيل وتتسلق ولابس شورت ولابس كندورة الخ. جزاك الله خير. هي ما طلبت هذا كله وما يصير تطالبها بالمثل!! اذا تبي تشوف طولها مثلاً قولها عندج صور وانتي تمارسين هواياتج او وانتي مسافرة الخ. لا تقول لوحدة قد تكون مححبة أبي أشوف جسمج!! أو أبي أشوف خصرج وحوضج!! أو أبي أشوفج وانتي لابسة شي ضيق!! لا تقول لها اوصفي لي جسمج.. أو تسالها هل --- بارز وعريض؟ ترا حتى النظرة الشرعية تكون بلبس محتشم وساتر.. إذا انت ما تدور الشرع وهي راضية هذا موضوع ثاني. بس إذا ما رضت بعد التمويه اعتذر منها وابحث عن وحدة تفكيرها يناسب تفكيرك. ركز على بنت وحدة.. لا تراسل عشرة في نفس الوقت لأنك ما بتعطي ولا وحدة فرصة عادلة. لا تيلس تستجوبها سؤال ورا سؤال. خلك لبق. اكسب ودها بالأول. أعرف ان بعض البنات بعد يحتاجون مقالة مثل هذي وما أنكر هالشي. بس خلاصة كلامي انك تقدر توصل للمعلومات الي تبيها بأسلوب جميل وراقي. وإذا ما وصلت معناته ان البنت ما تناسبك. وفي النهاية أحب لأخيك ما تحب لنفسك 👍🏻 اعزموني ع العرس!!!