مهندس أنظمة

زي ما انتي بيعدي عليك ناس غير جادة ولعابين 😡 ، ترى حتى انا بيعدي عليا بنات تافهاااااااات وبس تبغى تهرج وتطقطق 😒 ... حقيقي انا مش فاضي -ادردش- اقرأي الكلام دا ، لو ناسبك ولسا عندك اسئلة ، حيابك عالخاص وعلى راسي من فوق 🙆‍♂️ .. ماناسبك ملفي ... سيبيني في حالي 🙏🏻 🌼 ........................................................... اسمي محمد ، محافظ على كل صلواتي في وقتها وعلى رأسها الفجر ، كووول وكاريزما ، جنتلمان كريم شهم ، صادق جدا وصريح بشكل غير عادي ، وسيم وجسمي رياضي شعري ناعم نظيف جدا واهتم بمظهري وشكلي اصغر بكثير من عمري وصوتي جميل ، احب الضحك والفلة والجنان في حدود الأدب والاخلاق والذوق العام ، رائد اعمال مكافح -يوم في القاع ويوم فوق السحاب- اسعى لتحقيق شي خالد في حياتي ، شخصيتي قوية -alpha male- واتكلم على المسرح وأمام الجماهير ولبق في الحديث ، قائد ومبادر وذكي ، دقيق في المواعيد ، مشهور اني اعطي اللي حولي طاقة إيجابية وأمل في المستقبل ، منطقي وعقلاني وبالتالي قراراتي تكون مبنية على المنطق مش عالعاطفة ، شخصيتي من نوع ENTJ ، شمالي مع ميول غربي -حسب بوصلة الشخصيات- بصري مبدع واحب الابتكار ، مالي في الكورة ولا في القيمينق ، أميل للإقتصاد والأعمال والتقنية ، غير تقليدي ومنفتح جدا. احب السفر واحب الطبيعة ، أندمج بسرعة مع أي احد وفي أي مكان وآكل الجو ولكني اميل للإنطواء وعدم الاحتكاك بالبشر ، مبرمج ومصمم وممنتج ، متواضع اقوى شي ، صورة العرض هِيّا بالفعل صورتي ، ماعندي سناب ولا واتساب ولا اشرب قهوة ولا شاي!!! أميل للأكل الصحي مع اني مخربها من كم شهر ، مااااااارة ماني رومنسياً بالكلام واعتبر "دِفِش" في التعامل مع الجنس الآخر ولكني راقي جدا جدا في التعامل ، غالبا رومانسيتي لزوجتي تظهر في أفعالي إللي راح تبيِن لها قد أيش أحبها ، ما أتلفظ أو امد يدي على الأنثى - حتى كلمة ياكلبة بالمزح ما استخدمها- صباحي بإمتياز ، اصحى الفجر وانام في حدود 9-10 المسا ، غالبا اشوف فِيلم او يوتيوب قبل انام ، هاااااااادي ورزين وما انفعل بسرعة ، نادرا جدا يتم استفزازي ، حكيم و نَفَسي طاااوييييييل ، لو عِندك دخل-راتب فدخلك وراتبك لك وربنا يباركلك فيه.. ماراح ألمسو وأنا مُطالب -رجولةً وشرعاً- اني اصرف عليك حتى لو انك بنت الراجحي ، سوقي ، ادرسي ، اشتغلي ، اتشقلبي .. هذا قرارك وانا ادعمك فيه طالما بحشمة واحترام وبدون ضرر على احد ، طريقة كتابتي لبروفايلي تبين جزء بسيييط من الفلّة إللي في دماغي ، لا اجيد التعامل مع الشخصية الحساسة أو الضعيفة أو المزاجية أو الغيورة بغباء أو من عندها مشاكل نفسية ، أكرة الضعف والظلم والمرض والخوف والجبن والغباء ، اتجنب الجدال أو الخوض في الحوارات إللي ماتوصل لهدف حتى لو كنت أعلم واحد في الحاضرين ، أقبل أني اكون مظلوم ولا أني أكون ظالم "اجي على نفسي كثير" ، ما ادعي على احد .. إللي ظلمني الله يسامحو ويعوضني ربي خير فيما ظُلِمت فيه ، عادي تمسكي جوالي وتستخدميه لانو ماعندي شي اخبيه ، صحيح كلامي هنا كثير ، لكن ترى في الحقيقة كلامي قليل 😅 فلو تبغي واحد يتحكى معاك ويرغي .. فماااااارة دا مو انا ، اذا سألتيني أي سؤال الان او بعد الزواج -مهما كان- ثقي تماما أني حأجاوبك بكل صدق وبدون تردد أو خوف حتى لو كانت اجابتي محرجة أو جارحة ، فأنا مااااارة ما اجامل وزي ما يقولوا -ادي في الوجه- وما اخاف أقول الحق. متزوج منفصل بالتراضي "it-s complicated" ، عندي اطفال في حضانة امهم ، يعني الأولاد مش عندي عشان كيدا انا حاطط انو عدد الاطفال 0 ، وازور الأولاد مرة في الاسبوع واخرج معاهم أبو لفة بالسيارة "نِفِل" وانا اصرف عليهم. يجمعني بزوجتي السابقة بزنس مشترك مازال قائم -زي بِل قيتس و مليندا- ... عندي عيوب كثيرة وحأزودك بيها في PDF اذا حصل بيننا قبول مبدأي.... خطوطي الحمرا : الصلاة ، الحشمة ، الأدب ، الصراخ ، الكذب ، العناد والعبط ، الصنقرة ، الشك ، حب التملّك ، السمنة والسيلوليت ، النظافة الشخصية.