قوس المطر1

ودي أتكلم بصراحة يمكن احد يصحى من سباته العميق. هذا التطبيق نفعي. يعني المفروض اننا نستفيد منه بالحصول ع الشريك المناسب. بدل ماتروح تدفع مبلغ وقدره للخطابه علشان تحصل على بطيخ تجي هينا مجانا وتتعرف ع الانسانه أو الإنسان اللي تكمل مع بقية حياتك. حلو الكلام؟ المفروض انه حلو بس في ناس تخليه مر. ع بالهم برنامج تعارف و بطيخ . و حتى القسم ماله قيمه. أكثر شي مستغربه منه لما يجي واحد من اول محادثه يقول حبيبتي أو احبك. معليش من متى المعرفة. وش ذا الحب اللي ماصار له أي معنى. الحب يجي بعد عشرة و عمر مو من اول ضغطة زر. ثاني فئه تبط الكبد اللي يستعرض عضلاته السفليه.اللي تفكيره بس تحت. اللي مايعرف يرفع تفكيره شوي فوق. اللي ع باله كل بنات الناس أداة لرغباته. ثالث فئه هو المدرعم. مثلا يكتب في بياناته مواصفات ويجي يسوي اهتمام لوحده مو في المواصفات اللي يليها. كلف ع نفسك شوي بس واقرا البنت وش مواصفاتها. رابع فئه الكذوب الكذاب النصاب. ماله داعي اشرح أكثر. خامس فئه اللي يستعرض ماله وحلاله. يظن كل البنات همها الفلوس بس. فئات كثير موجوده بس احب اقول شي ترى كل شي له كارما. نتيجة وسبب يعني تكذب الا مايجي اللي يكذب عليك ويسرق الكحل من عينك. تخدع في من يجي ويخليك تكره حياتك. الذكاء مو بالضحك ع بنات الناس أو على عيال الناس. الذكاء انك تصلح عيوبك. لذلك أنا اعتذر إذا أحد ارسل ولا رديت عليه لأنه بيكون غير مناسب لي. انا ايضا قد أكون غير مناسبه للآخر. التفتح مو غباء وتحرر من القيم والأخلاق. التفتح مواكبة التغيير وبنفس الوقت حفظ القيم لأن الإنسان بدون قيم مثله مثل بهيمة الأنعام. وشكرا.