الحب من القلب!

الحمد لله متفوق في مهنتي . ومرتاح ماديا ولله الحمد . انا مش احسن واحد في العالم. ولا انا ملاك . بس بيكي انتي ياللي هتخطفي قلبي .هكون احسن واحد في العالم لاني هبقا غني بيكي انتي . انا بسيط جدا . . انا رومانسي جدا . وحنين . وغيور و مبحبش الروتين ولا بحب النكد . بحب الهدوء . وبحب الموسيقي .. وبحب القصص البوليسيه. ما انا محامي بقا وكده ههههههه. اقل حاجه بتبسطني . .. لما بحب حد بحبه بجد . بكل ما فيا . بعشق الاهتمام اوي انا عمري ما شغلت بالي بكلام الناس ولا بيهمني كلام اي حد . انا من اول ما وعيت علي الدنيا وفهمتها. بقيت عايش لنفسي واسعد نفسي بنفسي و اللي انا شايفه بعمله حتي لو في عواقب انا اللي هتحملها . محدش تاني هيتحملها ...لان يوم ما بتقع محدش بيسمي عليك حتي لو هما اللي قالولك تعمل كده . بس يوم ما بتعلي و بتبقا سعيد بتلاقي الناس حواليك حتي لو هما مش السبب في سعادتك . انا عايش لنفسي و للانسانه اللي هتدخل قلبي وهقفل عليها جواه . . انا مبيهمنيش ولا سن ولا بيهمني حالة اجتماعيه. كلنا في الاخر عندنا نفس القلب ونفس المشاعر والاحاسيس . كلنا بنعرف نحب ونكره . . اسف اني طولت في الكلام بس والله محستش بنفسي وانا بكتب . الكلام طالع من قلبي اوي .