زهرة الثلووث

تحب على مرا متحجبة ؟ برا ديراكت للمتحجبة ، مش تمشي للي مش متحجبة وتفرض عليها إنها تتحجب .. تحب مرا ما تخدمش ؟ برا للي شادة الدار وخوذها ، مش تمشي للي قرات عمرها الكل وضحات بألف حاجة بش تولي تخدم اكا الخدمة و بعد انت تطلب من سيادتها تلغى طموحها واحلامها على خاطرك .. تحب على مرا ضعيفة ؟ برالها طول مش تجي لمرا ronde وتقلها اعمل ريجيم و sport خاطر نحب مرا ستيل ..والعكس زادة !! تحب على مرا بهلولة ما تفهم شيء ؟ برا لأكا الطفلة الي عاشت عمرها الكل في دار لا قرات و لا خرجت مش طول تحط عينيك على المثقفة والواعية وتحب كي تقلها البڨرة طير تقلك اي صحيح..حاضر سيدي.. تحب على مرا بيضة ؟ برا للي من أول ما تخلقت بيضة مش تمشي لسمرة وتقلها نحبك بيضة.. تحب تلقى الإنسانة الي حاشتك باها بالضبط ؟ كون انت الانسان إلي عندو مبادئ يعيش بيهم و يعرف يختار . كل انسان عندو صفات تميزوا على غيرو وتخليه مختلف ما تحاولش تبدلوا على كيفك خاطر ما يتبدلش ..