رامي. 250

سلام عليكم انا اسمي رامي عمري 34 نخدم في شركة البنك نخدم بضبط في مكتب التسيير الموارد البشرية دخلت معاكم في قروب من اجل سبب واحد وهو زواج ونتمنى نلقاها والله كرهنا من تمسخير واني درت منشور هذا للجادات ونيتها زواج وتبني دارها و لي شايفة روحها جادة وحابة تتزوج وتستبيت وتولي ام راني هنا نتعرفو وعلى الله تلفحون انا لحمد لله تربيت احسن تربية تربيت بلي بنت ناس ولية واخت قبل كلشي بمعنى لي يخمم في ختو، بنت خالتو، جارتو ويخاف عليهم رايح يخمم ويخاف على بنت ناس بمعنى اخر " كما تدين تدان " ولحمد الله انا انسان مصلي خاطيني دعاوي الشر منيش نشكر في روحي مي لحمد لله ومن عايلة محترمة تربية والديا ورضايتهم عليا وزيد نيتي صافية كما يقولو "مول نية ديما يسلك بخير" انا انسان بسيط وعلى قد حالي مي رزقي بالحلال خوتاتي شروطي مهيش تعجيزية انا طالب واحدة لي تكون معايا امرأة بعشرة رجال نحبها تكون في غيابي راجل وفي حضوري امراة بصراحة ماخصنيش وحدة عندها لاطاي ولا زينة لي تقول لقمر انزل وخليني نحكم بلاصتك😊😊😊 انا خصني وحدة لي تخاف عليا ولي تعزني ولي تحترمني وتقادرني وفي غيابي تهز يديها ربي وتدعيلي بالخير وان شاء الله مقطعتش لياس علابالي بلي كاين بنات لحلال وناويين يزوجو والله والله والله راني جاد ولي يهمها كلامي ولي مايهمهاش الشكل ولي تهمها تربيتي تتفضلو. ختي لعزيزة نقلك حاجةوحطيها في ودنك مليح انا خصني وحدة غيورة تحبني ليها برك انا خصني وحدة تخمم فيا وعليا في كل دقيقة و منغيبش من بالها انا خصني وحدة تخاف عليا وتعزني وتحترمني وماترقدش حتى تسمع كلامي انا خصني وحدة كي تكون تمشي معايا تحط عينيها في الارض احتراما ليا اناخصني وحدة كي نكون غايب عليها تدعيلي بالخير انا خصني وحدة كي نغيب على عينيها نكون حاضر في قلبها اناخصني وحدة كي نقولها ماديريش لحاجة هذيك مديرهاش برسكو علبالها بلي في مصلاحتها انا خصني وحدة ماتخبي عليا والو ومتكدبش عليا وكي طيح بيا تصبرني ماش تزيد عليا وتكسرني انا خصني وحدة كي تظلام عليا الدنيا تقولي اني هنا واذا سمحو فيك انا جامي نسمح فيك انا خصني وحدة كي نكون راقد تعيطلي باه نوض نصلي الفجر انا خصني وحدة بنت فاميلية نرسم معاها خريطة مستقبلي وحياتي معايا سامحوني بلاك بالغت في كلامي وشروطي مي الله غالب هذي هيا عقليتي وتربيتي وإنشاء الله اي واحد ولا وحدة ناوي ولا ناوية لحلال ونيتهم صافية ربي يوفقهم اجمعين