Samir A.Azeem

قبل أي حاجة انا مطلق ، متفهم جدا لتخوف اي بنت من المطلق لكن مش بحب حد يحطني في موقف دفاع عن النفس لأني مش متهم والله خير شاهد ، وحرصا علي وقتك ووقتي لو فيه مشكلة في اللقب ده يبقي فيه وضوح من البداية وهحترم ده جدا وادعيلك كمان بالتوفيق والسعادة 😊 . أما عني : متدين ومشهود لي بالصدق والأمانة والأخلاق ولله الحمد ، أزهري وحفظت القران في اعدادي ، هاديء الطبع ، صريح ودوغري بكره الكذب واللف والدوران ، واللي اقدر أقدمه لزوجتي بإذن الله : حنان واهتمام عاطفي ومادي ومش بخيل الحمد لله ، زوج وصديق وحبيب وأب ، تقدر تحتفظ معايا بأي اسرار بدون ما تخاف انها تطلع مهما اختلفنا ، بعرف أسمع كويس واحتوي اللي معايا ، مرح وبحب الهزار ، عندي طاقة مشاعر كبيرة ، مخلص ووفي لشريكة حياتي وبكتفي بيها عن كل الستات ، سند ليها ، بجتهد جدا اني اعمل اللي تحبه وماعملش أو اقول اللي تكرهه ، بحب اساعد في البيت خصوصا في المطبخ وبشيل عنها الحمل كله عند اللزوم ، قادر علي تحمل المسؤولية ومش بتدخل في حياة حد ولا بسمح لحد يتدخل في شؤون بيتي بلا استثناء وقراري من راسي ، عيشة كريمة طبعا مفيهاش ضغوط مادية ، بهتم بيها قدام أهلها واهلي وبسعي دايما انها تكون محل تقدير واحترام منهم ، احب الخروجات والفسح وحريص علي تجديد الحياة باستمرار لمنع الملل والمشاكل . ملحوظة : ده تطبيق تعارف بين طرفين بغرض الزواج مش أسألة وتحقيق من طرف واحد ، رجاءا بلاش الاسلوب ده ، واثق جدا في نفسي وفي قدراتي وعارف كويس جدا اللي اقدر أقدمه لشريكة حياتي وبدور علي حد أستاهله ويستاهلني . بالتوفيق والحظ السعيد للجميع وربنا يوفقنا جميعا ويكتب لنا الخير ويرضينا بيه 🤗