1977

دخلت هالموقع أو حتى أكون صادقة كنت أطلع على البيانات المتواجدين وأستغرب من بعض وحتى أكون صريحة صرت أميز الشخص الصادق من غير........'ما أريد أغلط على أحد' وأيضا بالنسبة لحواء يعني بعض النقاط الرئيسية أخوي وأختي لو كنت أو كنتي صريحة في المبتغي أقصد الهدف لمعرف الجاد في الارتباط : بس طالعو الاسم أو user name اذا كان الولهان أو المتيم أو عنتر زمانه أو الشاعري أو الرومانسي من هالسوالف اذا الشاب مال سوالف لف ودوران وبعد لحواء اذا كان اسمها المستعار الجميلة 'العكس صحيح' أو فراولة أو أي اسم يعني الواحد يفهمها أنا هني ما أقصد الغلط عليكم أو الاعتراض عن الهدف اللي من أساسه أنشئ هالموقع بس مثل ما نحن عرب كل شي نستغله بشكل سي أحيانا على العموم رجاء من الأخوان اللي طالب وحدة رومانسية شاعرية تعال هني وقول لي منو المره اللي بتقول عكس كلامك طبعا داخل كل مرأة أنثى وداخل كل رجل عنتر بس الواقع عكس هالشي يعني ما الريال ريال والمودة والرحمة هو الشي اللي يدوم والحب يبقى بس مب كثر المودة والرحمة والاحترام . الحينه أنا عبرت عن وجهة نظري وصراحة الزواج من الأمور اللي مب وحدة تلبس فستان أبيض أو واحد يقول لها أحبج بس شهرين من الزواج ولا الريال اللي نفسه في ملكة جمال وكلها رومانسية وتحب السفر وما أدري مرحة وطويلة وشعرها قصير طول ياخي الزواج قسمة ونصيب اللي يبى الستر والزواج راح يشوفها وراح تشوفه أحسن الناس على العموم كثرت من الكلام وصراحة أنا انصدمت من وحدة كاتبة عن مواصفاتها أنها كثيرة الشهو....؟؟؟؟؟؟؟؟؟؟؟ يا بنت الناس عيب والله عيب مب لها الدرجة انتي مب من الشارع انتي بنت ناس أهلج أعتقد محترمين المهم . المهم طلعت اللي في خاطري لأني صراحة اليوم متضايقة من مديري وقلت يا بنت انفجري في الكل وبديت فيكم على العموم برد البيت وببدأ بأخواني الناس تقول خاطرهم يكونوا مثلي وأنا ودي أصير قوية يعني أخرع اللي ما يخاف على العموم أنا في سن وعمر يعني المفروض أصير حرمة بس شا أسوي أحس بعدني طفلة المهم اللي يحس نفس احساسي شكله أصغر بكثير من عمره صح تذكرت شي اللي يكتب في مواصفاته لاحقا يعني الريال يبى يسولف بس في التلفون يعني تعرف والبنت نفس الشي . مع تحياتي ماما أنا