hisham mohamed2

اختر اما لاولادك قبل أن تختار زوجه لك للاسف ملقتش انسانه صادقه كل اللي موجودين ناسيين أننا عايشين عالارض ربنا يصلح الحال...... عندنا مرض مزمن اسمه الشك .. للأسف متوارث من عشرات السنين ، ماحدش بيقدر يفرح مظبوط . لو هاتشتري عربيه عاجباك بتقول لا مش هاشتريها عشان هاخسر فيها لما أبيعها ، تيجي فرصه تسافر بره تقول لا بلاش خليني هنا عشان ماتعودش على النظافه بره ، تيجي تفكر في الجواز يقولك الناس مش مبسوطه و الستات نكديه او الرجاله مالهمش أمان خليني في البيت احسن .. تيجي تحاول تفرح باي حاجه يطلعلك واحد او حاجه تقلك اوعى تفرح عشان و عشان و عشان. امبارح منتخب "رجاله" شباب اليد كسب بطوله كاس العالم بعديها بتلت ساعه اخبار زباله عن ١٥٠٠ جنيه مكافئات الفوز.. على طول الناس لبست اسود و هاتك يا تريقه على البلد و اللي فيها. انا متأكد ان الخبر ده غير صحيح و هو لا يمثل - في رأيي- غير المكافأة الرسميه في لائحة الاتحاد و ان هناك الكثير من المكافئات الرسميه و الغير رسميه الأخرى اللي هتتوزع على كل أعضاء الفريق. نفسي نتعلم نفرح و إزاي نفرح و إزاي مانخليش حد يبوظ لنا الفرح .. و الله اعلم!