Kh alamir

طيبه .. حنونه .. هادئة .. مرحه ........................................................... انا مش انا . ولا دي حياتي ولا كان في يوم مكاني هنا . ولا حد شافني في يوم عرفني والكل شايف فيا الأنا . ولا حد فكر يفهم عيوني او حتي يسمع همسة جفوني انا حتي صوتي مش من هنا . اتبدلت بحد تاني حد كان واقف بعيد بين النجوم والسنا . برفض ألوم عليكم هو من امتي العيون بتشوف فوق السما . ......................... مش ذنبي إني كده ولا كنت افكر إني اكون حد تاني . كل صوره فيها ملامح والملامح بتقول معاني . يمكن من بره حاجه بس من جوه كتير بعاني . مره مره ضحكتي حاجه خيال ومره مره صرخه من كياني . احساسي اني وحيده مش جديد واني عن الكون ساكنه بعيد بس مش ذنبي الزمان مش زماني . وبتسألوني سر فرحي حد فيكم حس جرحي وتقولوا عني قلبي الأناني . ّ.................... لو تدوقوا طعم الفراق اللي انا عشت فيه . وصبار انزرع فيا ودمع قلبي يرويه . حتي النصيب مش نصيبي احتار معايا واحترت انا فيه . عيوني لو نشفت دموعها وانطفت في الكون شموعها قلبي الحزين مين يشتريه . ................... آه والاه جوايا مكتومه ولسه بحلم بالحياه ولسه بحلم بالحبيب . يقرا في عيوني الكلام ابقي حلمه لو فكر ينام ولآلامي يبقي الطبيب . من سكاتي يفهم كلامي يحس نبض قلبي ويكون هو الطبيب . بحلم بفارس من كون بعيد حتي الكون حلم ف خيالي مش نصيب .