A.El Rawi

بعد تجربه قصيره علي الموقع معرفش ليه معظم البنات اللي هنا متنرفزين وعصبيين كده ... احب اوضح ان هنا عشان اختار بنفسي مش عشان من ابليكاشن موبايل افتراضي اجي علي البيت والماذون عالطول ... ده موقع -تعارف- بس بهدف -الزواج- لو دي الطريقه اللي بدور عليها ما كان اسهل بكتير توصية الاقارب وزميلات العمل لترتيب لقاء مع معارفهم! رجاء لو انت ملاك مجنح وبدوري علي ملاك مجنح زيك بلاش تراسليني انا من فصيلة البشر بكل ضعفها وقوتها وتناقضاتها ومزاياها وكلنا بنحااول يوميا نكون انسان افضل... الناس بتوع يتقي الله فيه ويكون بيصلي ويخاف الله مش بفهمكم الصراحة -الصلاة في الاسلام مش اوبشن يعني- والطبيعي يعني ان في علاقة زي دي انه يخاف عليكي ويحبك ويحترمك فمش فاهم ليه بتحولوا الطبيعي جدا والمفروغ منه لطلبات ولا فاهم سؤالك يكون بيخاف ربنا؟! ا انت متخيله انه هيقولك مبصليش ومش بخاف ربنا مثلا،ده غير ان في ناس كتير جدا بيصلوا كفولكلور يعني وأخلاقهم في منتهي السوء.... مش مهم عندي تكوني حافظة كل القرآن رغم فضله العظيم بس الاهم انه يكون في قلبك اية ولو وحده بس.. جميل انك تكوني علي علاقة كويسه بالخالق سبحانه وتعالي ولكن سيبي ده يظهر لوحده من خلال المواقف والقلب الحلو الخالي من الغل والاحقاد والحسد بالمناسبة كان عندي تجربة زواج من غير مصريه لم يتم توثيقها ولهذا كتبت اعزب كما هو مدون بالبطاقة... ابحث عن بنت عمليه ومش بتاعة حوارات ارجوكم... يعني يبقي عندها انسنجرام وفايس بوك وتويتر ولو طلبت صورتها تقولك الرؤية الشرعيه فقط... بالمناسبة الرؤية الشرعية دي حق للمنتقبات بس ولهم كل الاحترام في اختيارهن... فبلاش والنبي اللي حافظين ومش فاهمين والبنات العصبية وفوقهم الماديين بتوع يمتلك شقة تمليك ويفعل كذا وكذا ببساطه حضرتك داخله علاقه انسانية من اسمي انواع العلاقات مش مشروع تجاري هنتبادل فيه بضائع! تمنياتي بالتوفيق للجميع