NN221

بعد انه يكون متدين ويخاف ربنا . -عايزاه راجل، راجل بمعني الكلمة عوزاه يشبه للناس الطيبة الاصيلة بتاعت زمان اللي كان الراجل يتعصب فيها ع الست وبعدين يروحلها بوردة يصلحها. -عايزاه جدع لما يكون عندي مشكلة يقولي طب خلاص انا هحلها متقلقيش.. -عايزاه مجنون و نجرب كل حاجة مع بعض، و في نفس الوقت يبقى زوج صالح عارف ربنا و يقربني منه و يكون إمامي في كل صلاة، يكون زي ما اختارني في الدنيا نوصل مع بعض للجنة 💙 -عايزاه يطمني، ابقى مطمنة اني سايبة راجل انا واثقة فيه لو في مليون ست أجمل و احلى مني يبقي مش شايف غيري انا، و شايفني احلى من الكل ومالية عيونه و قلبه و شاغلة تفكيره. -عايزاه اكون معاه حاسة بأمان عارفة ان ليا ضهر وسند قدام اي حد يجي عليا . -عايزاه احس معاه ان روحي خفيفة لا انا بتصنع في شكلي ولا طريقة كلامي لاء هو بيحبني بشبشبي ابو صباع وشعري المنكوش. -عايزاه يقدرني ويقدر مشاعري وأفكاري وطموحاتي وميتفهش منها ويشجعني اني اطلع لقدام، ولما انجح يكون اول واحد واقف فخور بيا. -عايزاه لما احس ان كل الدنيا جت عليا اجري عليه يطمني ان كل حاجة هتبقى كويسة وانه معايا مهما حصل. -عايزاه يحبني دلوقتي وبعدين وبعد ٥٠ سنه -عايزاه ميقفش ع الكلمة زي العيال ويتقمص ويعرف كويس اني عمري ما بزعل حد بقصد هو بس لساني ساعات بيبقى دبش حبتين -عايزاه يكون طموح وعنده هدف عاوز يوصله و انا هشجعه. -عايزاه يكون حمش كده ويغير عليا بس في نفس الوقت ميقوليش انتي قولتي لعم سعيد المكوجي شكرا ليه؟؟ مش ناقصة عبط هي. -عايزاه يكون بيحبني علشان انا نفسي، مش عاوز يغيرني ولا يغير شخصيتي لاء هو بيحبني بعبلي كده. 😊 -عايزاه يكون أب ليا قبل زوج وصديق -عايزاه أب لابني ولولدنا لو حصل وجبنا ولاد يفتخروا بيه، مش بمنصب أو فلوس لاء عايزاهم يفتخروا بحب ابوهم ليهم وحنيته عليهم و عليا، عوزاهم يزعلوا اما يقفل باب البيت ويفرحوا فرحت العيد لما يرجع. -عايزاه لما اكون تعبانة الاقيه سهران جنبي يطمن عليا وخايف ينام اتعب -لو انا غلطت في مرة، يبقى قدام الناس انا صح و يدافع عني و يخلقلي 100مبرر، و يجي بيني و بينه يفهمني و يكلمني و يعاتبني. -يثق فيا .. و يتقي ربنا في بيته .. يكون بيعرف يتفاهم .. لو انا متعصبة يهدى هو .. و مافيش خناقة تبات لتاني يوم .. ولو مقطعين بعض مانمش غير في حضن بعض والزعل هيدوب لحد الصبح. -عايزة بيت مريح و مبهج و مليان حب و اهتمام و تقدير و سعادة و أمان و تفاهم و ثقة... .