Yasmeen_

ابكلمك عن نفسي شوي ولو اني ما احب بس الهدف من وجودي هنا يخليني اوضح بعض الامور لمن ارى ان ممكن يصير فيه نصيب :- من مواليد 1989 - وحده صريحه لابعد حد ولا احب المجاملات الا فالقليل وعلى حسب الموقف. - ما احب الفضفضة عن حياتي و ظروفها لاني مؤمنه ان كل شخص فيه اللي مكفيه. - تعودت اخلص امور اهلي وأموري بنفسي ولا احب مساعدة احد لي -لاني ارى اني قادره-. - ينحزم فيني الظهر واسوي علوم الرجال اللي قله من الرجال يفعلها. - راعية وقفات تبيض الوجه. - باره بأمي وابوي اكثر مما تتخيل -الحمدلله-، ومن بري فيهم اعطيهم راتبي من نفسي وانا فقط اخذ حاجتي منه - مصروفي - مع ان ابوي ضد هالشي والحمدلله مو محتاجه لكن انا حابه كذا. - شخصية قيادية. - طموحه - مرتبه وأنيقة. - للاسف ما اعرف كثير اطبخ. - نظيفة جدا في نفسي وفِي بيتي. - عاااااشقه للعطور. - كشيخه. - مثقفه. - كريمة. - حنونه لذلك حساسه. - عنيده نوعا ما. - دلوعة بالفطرة - اجتماعية. - قلبي كبير. - اتعلَّم من أخطائي ومستحيل تتكرر. - احب الطلعات والوناسه. - احب المطاعم والكوفيهات. - احب السفر. - احب اعمل مفاجآت حتى لو مافي مناسبه. احب ان الشخص اللي قدامي يفهمني قبل لا انطق انا طيبه كثييييير لكني مو ساذجه ابدا وذكيه لابعد حد كريمه كثييييير بمشاعري وحبي واحب اسعد اللي قدامي لكن مو على حساب نفسي بمعنى اني احب اعطي لكن بالمقابل احب اخذ لان عندي مشاعر واحاسيس لازم احد يمليها لكن قلبي وكل مافيني غالي ما اسلمه لأي احد ابد ومؤمنه بأن الحب الحقيقي بعد العشرة عملي -- سيتم ذكره على الخاص -- قبيلتي -- سيتم ذكره على الخاص -- تخصصي: -- سيتم ذكره على الخاص -- لحظة صراحة: ما كنت افكر بالزواج لان عندي تخوف ان ما راح القى شخص يكون جنبي بكل شي ولاني ما ابي اسم زوج وزوجه فقط ابي كلمة اخ وصديق وحبيب في كلمة زوج احب أتملك اللي لي ولا اقبل احد يشاركني فيه غيوره حبتين لكن مو الغيرة اللي تسبب مشاكل ابدا الكلام في هذا الموضوع يطوووول لكن اتمنى تكون فاهمني ولو بالقليل شي مهم : لاني اسعى لزواج دائم وليس مؤقت ف الوضوح والصراحه مهمه جدا شروطي: - إكمال الدراسة في حال رغبتي للحصول على الماستر - القيادة لان كل انثى موظفة تحتاج ذلك - الإنجاب - حفلة عرس وهو مو شرط لكن حق من حقوقي واللي خلاني اذكره لك هو لاني لاحظت اغلب اللي مروا في تجربة سابقه مايبون يعملون عرس للثانيه لذلك ذكرتها لك للعلم:- وجودي هنا بعلم اهلي وبمشورة اخوي رغم التزامه العمل في بيئة اختلاط