اللهم أنيسا

انا مش حتكلم عن نفسى بس حتكلم عن الذكور واشباه الرجال إللى كل واحد فيهم داخل فاكره سوق للنساء وداخل يملى شروطه ويختار وعن كل واحد مش قادر يسعد اهل بيته وجاى يدور على واحدة تسعده وتهون عليه غربته بدون مقابل وكل واحد يتكلم بقولك الستات داخلة عالجروب دا عايزين يتجوزوا واحد يصرف عليهم امال حضرتك عاوز تتجوز واحدة هى إللى تصرف عليك واللى يكتب مطلق وبعد ما يدخل ويتعرف يطلع متجوز ومخلف وبيحب مراته وخايف على زعلها يا عينى فعايز واحدة هنا فى السر عشان ميجرحش احساس المدام طب وبالنسبة للبنى ادم اللى حضرتك عاوز تاخدها فى الدرا عشان خاطر المدام متزعلش فين حقها وفين مشاعرها هى لما تخبيها كأنها عاملة عاملة اتقوا الله يرحمكم الله ...ربنا لما شرع التعدد شرعه لمن يتقى الله ويعدل شرعه لمن يخاف الله ولقاء الله مش لاهواء الرجال تلاقيه مبيصليش أو بيصلى اغلب الاوقات ويقولك انتى بتعترضى على شرع الله لا مبعترضش على شرع الله بس لما تعرف تنفذه الاول ... عشان كدا كلامى مفيش صراحة اكتر منه ولا اوضح منه إللى جاد فى زواج على سنة الله ورسوله فى العلن وبكافة الحقوق الشرعية والمادية إللى ربنا شرعها للزواج حتى لو كان متجوز وشايف التعدد شرع الله وهو حيطبقه فى النور وقدام كل الناس بما يرضى الله وبعلم زوجته يقدر يراسلنى مع كل احترامى وتقديرى وكل إللى داخلين يتسلوا ويحكوا فى نصاص الليالى ويتفرجوا على صور ويهزروا ويضحكوا مع واحدة واتنين وتلاتة فى نفس الوقت ولا عايزين جواز مؤقت أو جواز فى السر بدون علم اهاليهم أو داخل بيدور على شغلها ومرتبها عشان تصرف على نفسها أو عليه فنصيحة لوجه الله اعملى تجاهل ولف وارجع عشان كل إللى عدوا عليا ذنبهم حيخلص من حضرتك واذا كان فى الموقع سيدات أساءوا أو داخلين يتسلوا مش من حقك انك تأذى بنات الناس المحترمة بسبب اساءتهم وكذلك فى الموقع رجال محترمين وبيدوروا على حياة واستقرار بما يرضى الله ...ربنا يرزقهم ويرزقنا زواج صالح ملحوظة أخيرة شباب مصر الأفاضل المقيمين بمصر لو حضرتك فاكر انك لما تتعرف على مصرية مقيمة بالامارات بغرض الزواج فهى حتعرف تجيب لحضرتك عقد عمل أو تسفرك الامارات تبقى غلطان احنا مش فى كندا ولا استراليا يا فندم ولو حضرتك جاد فعلا فى الزواج اكيد حتراسل المصريات إللى داخل مصر وتعرف اصلها وفصلها وربنا ييسر لكم بأمره