Semo zizo 91

الزواج نعمة وأكبر نعمة ممكن ربنا يرزقك بيه 🙋 و حرام عليكم ارحمونا..نفسي بجد ألاقى حد صادق وضميره صاحى قدام ربنا. مش كل شوية حد يكتب بوست ملهوش أي ستين لزمة عن عيشي حياتك يابنتي وإن الجواز هيخليكي ملكيش لزمة وحد تاني يكتب يابني خليك حر ليه تتجوز وتتقرف والجواز وحش وبلا بلا بلا وكله كوم واللى متجوز ويعد يقرفنا إن الجواز زي الزفت وإن الحلال مطلعش أحلي والكلام اللى ملهوش إي ستين لزمة ببساطة مش عشان أنتوا أخترتوا غلط يبقي القاعدة عامة قال رسول الله -صلى الله عليه وسلم- النكاح سنتي فمن رغب عن سنتي فليس مني. إختاروا صح - نقوا صح - عيشوا حياتكم صح وبعديين أبقوا إتكلموا كلام ينشر سنة الرسول مش ينافيها !! الزواج سنة .. الزواج سند .. الزواج مودة ورحمة .. الزواج حب والزواج قرب إلي الله لو كان صح نبطل كهن شوية و نبطل نقول انا مش طموحي انقع فرخة من الصبح عشان جوزي ياكلها ، ممكن تحققي كل احلامك لو انتي مع الشخص الصح اللي يساندك و يقف جمبك و تنقعي الفرخة برضه عادي ماهو لازم تاكلوا يعني 😏 ونبطل نقفل الناس اللي لسه ما اخدتش الخطوة دي لان ده تنفير من حاجة ربنا امرنا بيها- بالعكس لازم نشكر ربنا ، و ننشر الحاجات الحلوة ، و اما بنعمة ربك فحدث نقدر نعم ربنا علينا ، ده خير متاع الدنيا الزوجة الصالحة و الزوج الصالح