elshamouty

أنا أبحث عن زوجة متدينة أولا - بس متدينة بحق يعني مش كلام و خلاص - فيكون محور حياتها كلها الدين - مش الناس هيقولوا كذا - و المجتمع هيبصلنا كذا - الناس و المجتمع بيراعوا لكن في حدود ضيقة أو لها تفصيل - لكن إن واحدة يكون منطلقها في حياتها و مبدأها تشوف الناس ماشية ازاي و تمشي معاهم - أو بيقولوا ايه عن كذا و بيقولوا عن كذا - و ما شافتش الدين بيقول ايه فشكرا - المرأة المتدينة ده مش شرط تكون عارفة نصوص كتير بيبقى لازم متوفر فيها حاجة مهمة جدا و هي إنها تكون مبيتة النية مسبقا كدا إن أي أمر ربنا يأمر به هيسمعه و أطيعه - و إن نهي نهى عنه مش هعمله - أو تفضيل و إرشاد و توجيه هتعمل بيهم - يعني مش بتغلط ؟ لا - هي هتغلط لكن هتبقى مؤمنة بإن الغلط اللي عملته غلط مما يخليها تستغفر و ترجع عنه و تصلح غلطها - كل بني آدم خطاء و خير الخطائين التوابون - وربنا وصف المتقون بأنهم و الذين إذا فعلوا فاحشة أو ظلموا أنفسهم ذكروا الله فاستغفروا لذنوبهم و من يغفر الذنوب إلا الله - فلو إنت عندك المبدأ ده هتلاقي نفسك إنك لا تبحثين عن رجل غني بقدر ما تبحثين عن رجل ربنا يرضى دينه و خلقه - هتبصي للحياة بشكل مختلف - أنه طالما حالك يرضاها ربنا فخلاص مش مهم نظرة الناس - أنا أكره ما عندي نظرة الناس التي تتحكم في حياتنا - كما قلت سابقا تراعى نظرة الناس و لكن مش هي تبقى المنطلق - و مش تبقى عائق تقف قدام الدين المرأة مكلفة مأمورة و منهية و بعض الناس بيتكلم عن المرأة كأنها ليس مكلفة و إنها مش عاقلة و مش محاسبة على اللي بتعمله - وبيقولوا معلش أصلها ست - و طبعا هذا باطل في الدين النساء شقائق الرجال في هذا الجانب التكليفي هناك اختلاف بين الرجل و المرأة في تكوينهم " و ليس الذكر كالأنثى " لكنهم في الجانب التكليفي كل سيحاسب على التفاصيل التي جعله الله عليه و لا يظلم ربك أحدا فعشان كدا لازم المرأة تكون عارفة إنها ستحاسب على كل صغيرة و كبيرة - مش مني بالعكس أنا أتسم بالتغافل و تفويض أمري إلى الله لكي تسير الأمور - و كما يقولوا التغافل تسعة أعشار الحكمة - لكن تعلم أن الله سبحانه وتعالى هو الذي سيحاسبها عايز زوجة ما تشترطش إن يكون عندي بيت ملك - أو تشترط جهاز معين و أثاث مواصفاته كذا - لا حاجة تفي بالغرض - و ربنا يغنينا من فضله سبحانه و تعالى و عايزها موافقة على الزواج في فترة قصيرة - يعني ما تقولش أنا هتخطب كام شهر و هكتب كتابي كام شهر - لا هوا يا دوب هنتعرف على بعض و نتأكد من توافقنا و نتوكل على الله و نتزوج