شاب جاد محترم

انا كتبت مواصفات وكلام كتير قبل كده . وبكل مرة كنت بغير كنت ببقى متأثر بموقف حصلى قبل كده. بس خلاص مفيش وقت والمرة دى لازم اكلم بجد . انا زى اى شاب تعبت وشقيت لحد ما أسست بيت واتجوزت وخلفت ولد وللأسف الشديد اتعرضت للطلاق من سنتين بعد ٣ سنين جواز . حاولت أن انسى وإبداء من جديد واتجوز تانى بس كل واحدة قبلتها سواء كانت بنت او مطلقة او ارملة اصطدمت بيها عشان الإمكانيات المادية او عشان مفيش قبول من ناحية الشكل او اى اسباب المهم ده دفعنى انى افكر اجوز اجنبية وفعلا اتعرفت على واحدة روسية وللأسف الشديد حبتنى بجد . وطبعا انا راجل متدين وعاداتنا وتقاليدنا مخلاينى مقدرتش اخد القرار . لانى محتاج واحدة شبه امى شبه عيلتى . واحدة تبقى متدينة محترمة بنت ناس تعرف الأصول. واحدة لما ابقى مش موجود تحافظ على بيتها وتصون عرضى . واحدة تحبنى لشخصى وتبقى عاوزة تكمل معايا بقيت عمرى. ولما دخلت هنا كنت بحاول الاقى الانسانة دى لكن للاسف كل واحدة كلمتها هنا كانت بتزود الصدمة . انا عارف ان كل ده ميخصش حد . بس لانى خلاص تعبت وزهقت من انى ادور . كان لازم اتكلم واقول يمكن تكون فى واحدة تكون بنادمة محترمة تحس وتفهم كلامى . لانى مش حابب اروح اعيش وسط ناس معرفهمش واعيش فى عادات وتقاليد متربتش عليها . مش حابب اتغرب . وبجد خلاص مفيش وقت لان مطلوب منى اخد قرار واحدد موقفى . اذا كنت نكمل هنا ولا خلاص همشى