المتغشش

باش تدخل لحياة إنسان مزاجي لازم يكون عندك برشا وسع بال و لازم تعرف كيفاه تحكي خاطر يركز ياسر في الكلام. معظم الأوقات يفد بلاش سبب و من غير ماتقلو علاه خاطر هو بيدو ما يعرفش توا تلقاه يضحك و بعد درج يقلق لا تفهموا صعيب و لا حنين و لا كيفاه طبيعتوا بالظبط أما كيف تعاشروا تعرف إلي هو إنسان حساس كلمة باهية تفرحوا و كلمو خايبة تبكيه هو متناقض مع روحوا و ينجم يعبيلك مخك بالشك ينجم يقلك نكرهك و هو أكثر حد يحبك ! ينجم يقلك مانيش مستحقك في حياتي و هو وقتها يستنى فيك بش تكبش ! ينجم يفهمك إلي هو فرحان وقت إلي تلقاه حزين فوق الطاقة و عمرو مايطلب منك اللهوة هو عبد يدقق برشا في التفاصيل الصغيرة و الكبيرة و كيف مايلقاش إلي حاشتو بيه فيك يجبد روحو خاطر كل شي عندو بالنفحة. مايسكتش ظالم و الا مظلوم. كلمتوا ديما على لسانوا مايرجعهاش التالي .. وبالنسبة ليه شي ما فما في الدنيا يقول عليه إلي هو خسروا حتي كان صبر علي شكون يجي نهار و يخرجوا من حياتوا ب اسهل ما يكون خاطر أي حاجة يجي يعملها يقول عادي ماعندي ما نخسر هو عبد مايعرف إلي الحاجة أذيكا غالطة كان كيف يجرب مرة و اثنين و ساعات أكثر.. انسان آخر حاجة يخمم فيها العباد و العادات بش تخليه في حياتك لازم تعرف كيفاه تتصرف معاه و تفهموا و إلي مايفهموش فيسع يسلم فيه و يفد و هو بيدوا طيرلو نفحة.. ناس هاذم ردوا بالكم علاهم كيف رواحكم ...