hamzaalazizi

أنا حمزة العزيزي 22 سنة تولدت بمدينة كليميم، من بعد عام مشينا الدر البيضاء تما قريت فالمدرسة العمومية 3 سنوات تال المرحلة الثالتة تقريبا، بعد الواليدة و الواليد طرى ليهوم شي مشكل وصلوو فيها الضرب و العصا، لواليد عندو جنسية فرنسية دار ليا باسبور داني فرنسا قلست تما 5 شهور تا دفع لفيزا الولايات المتحدة، مشينا لفلوريدا مدينة كاب كورال قريت فواحد المدرسة بحال الداخلية ديال المغرب تتقرى فيها و تنعس فيها. مشيت منعرف تا كلمة من الإنجليزية تا من الإمتحان ديال القبول فالمعهد غير الأب لي دوزو فبلاصتي فاش خرج الأستاذ جاب ليا شي حوايج شي منطاط شي حوايج قال ليا أنا غادي، سولوو و دموع فعني ... فين غادي ... قال ليا طبر روحك موت عيش حياتك هاديك كون راجل ولا موت هنا. بلا منعاود الطفولة ديالي بزاف حتاش عشت فيها تمارة الحاجة لي حسيت بلي ربي و قف معايا فيها هيا لقيت تما واحد العماني محمد بن عبد الله الرحموني نفس المستوى ديالي الحمد الله. كنت ديما كيضربوني الدراري حتاش عروبي و زيد عليا "كيوسخو ليا حوابجي بــ -- " المهم عشت واحد سنة ديال تمارة ... واحد المهار محمد قال الإدارة باش إنقلني لعندو فنس الغرفة تما بقيت معاه عامين خرى مرة أخرى فاش جا الواليد من بعد 3 سنوات عاودت ليه المشكل ... فرحان حتاش وليت عارف الانجليزية. خدا دار تما فلوريدا ولكن بشرط نجح باش نكمل 3 سنين خرى فمعهد خور حسن منو. قريت 6 سنوات ف فلوريدا من بعد وصلات مرحلة القرار الحاسم أشمن شعبة نتختار تما فكرت مزيان و ختاريت جامعة بوسطن التقنية تما تخرجت سنة 2015 من بعد كنت خدت بزاف ديال الخدمات بحال مصور لجريدة و كنبيع الورد وزيد عليها بزاف ديال الخدمات ولكن أحسن وحدة خدمت مصمم فشركة زافول و مبرمج فشركة داتا كامب من بعد التخرج ديال بسنة تقبلت باش نخدم ف شركة سيمانتك ف كاليفورنا أصغر مبرمج فالشركة و أول مغربي -معنديش وراق ديال المغرب معنديش جنسية- أول حاجة عذبوني بزاف مكاين غير الخدمة كثر من 19 ساعة تا تبغى غير تموت لمدة خمسة شهور غير هما الفلوس كاينين غير خدم مزيان كنت خدام ب 230 دولار للساعة. الحمد الله اليوم طلعت بزاف الشباب قدمت بزاف ديال العروض فأكبر الدول هولندا -أمستردام-، النرويج -أوسلو-، كند -مونتريال-، المكسيك، الصين-لوننان-، فرنسا-بوردو-، سويسرا- بازل-، السويد- ستكهولم-، و بعض الدول العربية بحال السعودية الحمد الله.