حلم يناير

مهندس شبكات خريج كلية الهندسة قسم الاتصالات والإليكترونيات متوسط الطول مقبول الشكل أبيض البشرة صريح جدا ومعرفش أكدب وأحيانا صراحتى الناس بتخاف منها خصوصا الكدابين واللى بيحبوا يمثلوا على الناس لأنى مش بحب أتعامل معاهم وبتجنبهم لدرجة المقاطعة حتى لو كان من عيلتى لكرهى الشديد للكذب والمنافقين أنا بحب إتقان أى حاجة بعملها ومبعرفش الكروتة حتى فى الكلية والمدرسة مكانش ليا فى الكروتة والطلسقة أنا من أسرة متوسطة لا يوجد لى أى أخوة ووالدى توفاه الله وأنا طفل صغير قبل إكمالى سن 3 سنين وأعيش مع والدتى وشقتى للزواج بجوارها مباشرة فى نفس الدور أنا مرح وبحب الهزار بس مش فى الشغل أو الأمور الجد ولا الهزار اللى فيه سباب للوالدين أنا بحب القراءة خصوصا التاريخ والسياسة والهندسة والعلوم وأمن المعلومات أنا ماليش إنتماء سياسى أو حزبى لا أحب العسكريين ولا أحب العقلية الإخوانية وبحب أكون مع الناس المطحونة لأن كلامهم من قلبهم بدون تحيز أو تطبيل باختصار أنا من بتوع يناير ماليش فى الكورة وبطلت أتفرج عليه من 2011 إلا لو صدفة وبالنسبة للسفر أنا بحب مرسى مطروح لأنها جميلة وبحرها حلو ومناأسبة للعائلات ومش بحب أى مصيف أو مكان فيه تعرى أو خمور وبسافر لما الظروف تتيسر ويكون فى وقت أنا ماليش فى سكة المصاحبة بين الولاد والبنات وعمرى ما صاحبت أو عرفت بنات تعاملى بيكون فى حدود الزمالة والشغل فقط بالعربى كده أنا مش أوبن مايند وماليش فى المياصة ومش معنى إنى متدين قليلا أنى بخالف الشرع والعقيدة ممكن أكون كسول شوية لكن مقدرش أخالف ولا أحلل الحرام لانى فى الأساس درست فى الأزهر وكنت بأحفظ القرآن فى المسجد طوال فترة المدرسة وقبلها حتى عشان كده بأرتاح للمتدينات اللى فاهمين مش مجرد حافظين أو ناقلين عن حد