زوج رومنسي669

رجل اعمال حنون رومنسي احب البحر والطبيعة والجبال اعشق الرومنسية والشموع والدلال. احب اعيش ملك ومن تكون معي تكون طفلتي واميرتي المدللة انا نبي نتكلم و انقولكم انا شاب ليبي مواليد 80 ناجح في عمل و ربي رازقني و لله الحمد والشكر بحوشي بروحي و مزلت نستني في بنت الحلال، لكن بنت الحلال هذى هي المشكلة بتسألوني علاش،،، من الاخير انا طامح اني نلقا البنت الي انحبها قبل ما نتزوجها - انحبها مش يعني مواعيد و مكالمات في ليل- لا انا نقصد هكي البنت الي علي الأقل أول ما نتكلم معاها نتعلق بيها و انحس اني حق حبيتها و نبي انعيش معاها و اندير اي شي علي خاطرها، انا مش مقتنع بفكرة عندك موصفات و برا دور في صالونات الناس و اتفرج علي شكلها و افرض شروطك كأنك خاش علي صفقة ،،، كل الموصفات الي في بالي انها انسانة قلبي يتعلق بيها و اتكون ذكية و شخصيتها مميزة - مميزة في نظري انا - سؤالي هل هوا عيب انه شاب يدور في حب؟ هل نقعد نستني والا نلغي الفكرة من راسي ؟ بتقولولي اتحبها بعد الزواج باهي نفرض ما حبيتهاش كيف اندير بعدين انطلقها والا اندور وحدة تانية ؟ ولله كان انقوللكم الحاجة الوحيدة الي نستني فيها هي بنت انحبها و انحس اني مهما دارت نتحملها و انضحي علي خاطرها.