shaker2

ابحث عن امرأه بها قبول الوجه والروح وان اكون عندها اول اهتماماتها يعنى مش فيس بوك ولا واتس ولا تليفنونات ، ما بقولش تمتنع عن كل ده لأن ده مش ممكن وغير مقبول دينا وعرفا وربنا خلقنا شعوبا وقبائل لتعارفوا لكن فى فرق بين الأمر الطبيعى وان الزوجه تسيب جوزها وتفضل بالساعات على الفيس او الواتس او التليفون او كل يوم عند حد او ان يوم فى الأسبوع مثلا بقى بتاع فلان ولا علان ، عايز واحده ترتيط بى حقا تقعد جنبى تكلمنى تشاغلنى تعفنى واعفها ، عايز احس بالحب لأ بالعشق فى عنيها عايز نقرب من بعض جدا فى كل حاجه حتى لو بسيطه نتفرج على التليفيزيون نلعب كوتشينه اى حاجه بس نبقى مع بعض ننزل نمشى فى النادى ننزل نجيب حاجة البيت نحاول نلاقى نقط ترابط وان تعلم ان الخلاف بين الأزواج امر طبيعى لأننا فى الدنيا مش فى الجنه وحل اى خلاف ييجى بمزيد من الحنان والحب والموده مره واتنين وميه علشان ربنا يبارك وتعدى اى ازمه او خلاف واحنا اقوى ترابط من الأول عايز واحده تشلنى لوحصل لى حاجه واشيلها لو حصل ليها حاجه مش كل واحد يهرب عايز واحده ابقى على طبيعتى معاها من غير ما احسب كلامى احسن يتفهم غلط من الأخر انا ابسط مما تتصورى