يس على (محمد)

بنت ناس طيبين و قلبها طيب و بتحب الحياه و الانطلاق من غير عقد ولا كلاكيع ، والله فعلا اهم حاجه تكون طيبه اهم من اى حاجه تانيه ، مش يفرق معايا ان كانت بنوته ولا مطلقه ولا ارمله ولا معاها اطفال و لا اكبر منى كل ده عاااادى جدا ، بس فى حاله المطلقه اظن من حقى اعرف ليه حصل طلاق ليه بصراحه ولو معاها اطفال ينوروا بيتى و بتها طبعا اهم حاجه التعاهد فى الاول ان ولادى و ولادها يكونوا اخوات ، طبعا تكون متعلمه كويس ، ملهاش فى المسلسلات التركى :-------- و اظن يعنى مش عيب لو قلت انى بتمنى بنت جميله حلوه و مطرقعه انا فى الفتره الى استعملت فيها الموقع شربت قصايد شتيمه من اول بطلوا بقا المرض الى النفسى ده لحد بنات الناس مش لعبه و زيك زى كل الحيوانات الى على الموقع كل ده علشان طلبت اشوف صورتها و لما شوفت صورتها سورى يعنى محصلش اعجاب ... طيب افهم بس فين الكارثه ....ما هوا ده الفكره من الموقع ... اننا نتعرف و لو اعجاب حصل نكمل محصلش نقول ربنا يوفق ... و فى نفس الوقت نتفادى الاحراج الى بيحصل فى المقابلات المباشره ... فين الجريمه .... تبقى سذاجه اوى لو فاكره ان كل الناس جد او كل الناس عقلها سليم اكيد فيه مخابيييل كتير هنا ... و تانى و مليون فكره من غير اولادى ديه مستحيييله ... احنا pakage تاخدينا شروه واحده .. ::------ . انا محتاج ام ليا و ليهم مش داده انا جايبلهم مربيه فعلا حصل تعديل مؤسف و هوا ان الام خلفت الاتفاق و اخدت منى الاولاد و انا حاليا رافع قضيه علشان اخدهم ... 2 ملحوظه 1-اكتشفت كمان ان مفيش فرق بين ست مطلقه او راجل مطلق مع اطفال بذات ... هما الاتنين الناس شايفهم بيعه خسرانه و بيتعملوا معاهم من منطلق انو اتنيل على عينك و لا عينيك و متتشرطش كفايه اننا رضينا بيك .والتناقض الغريب فى شخصيه بنات كتييييير البروفايل بتاعها مليااااااان شروط و كاتبها بطريقه سخيفه زى الى عنده ولاده احسنله ميكلمنيش و الى تقول شوفلك داده غيرى .. كارثه و بعده ده كله اول ما تقولها كلمتين تروحه متعصبه و تطلع عليك كوكتيل عقد نفسيه متراكمه و تقولك انت اذهب الى الجحيم و تختفى .... طب اييييه جننتونى ٣- واللله مش قصدى تريقه بس ممكن اعرف ليه البروفايل اسمه بحر الدموع ولا انا و الاحزان او قصه شقاء و طبعا فيه نهايه مؤلمه و غييييره كتييييير ... ليييه كده يا بنتى لما ده اسم البروفايل بس اومال جوه فيه اييييه... جثث ... ازاى متوقعه ان حد عاوز يبداء حياه مع واحده فضالها ساعتين و تنتحر .... ارجوكم ... و كمان برضوا متسميش نفسك موزه اخر دلع ولا كوكتيل ستات و عاوزه الى يدخلك حد بيدور على عروسه ... بس بقا دنا رغاى اوووى