mohusen

نفسي ربنا يرزقني بزوجة صالحه .. تكون سعيدة معايا ويكون في بينا حب وتفاهم اكيد نفسي في حاجات كتير ومواصفات كتير واكيد كلها حلوة .. بس انا بشوف الموضوع بيكون "باكيدج" يعني توليفة كده علي بعض زي ما انا هكون بالنسبالها برضو حاجه فيا كويسة وحاجه نصن نص وحاجه ممتازة وحاجات مش حلوه مثلا .. المهم نكون سعداء ومرتاحين مع بعض ومتفاهمين اوي ربنا يوفق الجميع للي فيه الخير يا رب ملحوظه مهمه .. انا والدي راجل سائق شاحنه نقل دولي بالإمارات ووالدتي ست بيت ومش متعلمين .. وكل اللي بيحلمو بيه حققوه فيا انا .. علموني وربوني وخلوني راجل بمعني الكلمه اعرف اشيل مسؤلية وشيلتها من وانا في إعدادي .. وهما علي راسي من فوق لحد ما اموت عشان بس اللي بيدورو علي مستوي معين .. عايزة تتعرفي عليا اكتر انا تحت أمرك .. شايفه أن حاجه زي كده تقلل منك .. يبقي انتي ما تلزمنيش ومن غير زعل .. وعلي فكره انا لا عندي حقد طبقي ولا حاسس بنقص ولا حاجه الحمد لله لكن ضد أن حد يهزا من وضعي ويحسسني بتكبره واستعلاءه .. والله المستعان تعديل رقم 2 مش معني اني اقولك اني كنت خاطب قبل كده .. ولما انتي تساليني ايه اسباب الانفصال .. ارد عليكي انها ممكن يكون كان كذا او كذا .. وكلام بشكل عام بدون الاساءة للطرف التاني ابقي انا كده بجيب في سيرته وبخرج اسرار علاقه .. احنا مش بنزيع المراسلات اللي بينا علي الهوا ولا بنقولها للاستاذ اسامة منير .. انا بتكلم مع واحده المفروض انها هتكون اذا ربنا اراد اقرب الناس ليا .. والمفروض اني اكون صريح معاكي .. والمفروض تدي نفسك فرصه حتي تفهمي انا اقصد ايه او بقول ده ليه .. يا جماعه خدو فرصتكم كويس قبل ما تحكمو علي حد .. بسبب التسرع والاندفاع بتضيع حاجات كتير ممكن تكون حلوة لو كملت . شكلي هفضل مقضيها بيانات وتعديلات كده علي طول .. الحاجه التانيه برضو .. مش معني انك تكوني مريتي بتجربة سواء حب أو ارتباط .. اني الاقيكي بتتكلمي عنها اكتر ما بتتكلمي معايا عشان تتعرفي عليا... وكل ما بتحاولي تقوليلي أنك استفدتي من تجربه .. انتي في الحقيقه بتقولي اني بحبه وندمانه ومش هنساه .. وبعدين تحطي ده في إطار انك صريحه مع نفسك عشان تحسي بسلام .. طب والطرف التاني الجديد اللي داخل حياتك من حقه انه يحس بسلام برضو تجاهك .... تاني في فرق بين الاستفاده من تجربه وإني الوش في كل حاجه حواليا بحجه إني صريح .. الله المستعان