Naa-na

كنتمناه يكون إنسان نيتو زوينة وقلبو طيب، كيحب الحياة وكيعرف يستمتع باللحظات البسيطة. فـ وقت الضحك يكون فرفوش وخفيف الروح، وفـ وقت الجد يكون راجل مسؤول وعاقل ويعرف يتحمل المسؤولية. يكون خلوق، محترم، صريح وواضح، ونيتو فالعلاقة تكون جدية ونقية. تكون عندو علاقة زوينة وقريبة مع الله، محافظ على صلاتو وعندو مبادئ وقيم فحياتو، بلا تشدد وبلا تصنع. يكون مستقر فحياتو وعندو طموح وكيخدم على راسو ومستقبلو. حنين، متفهم، يسمع ويقدر شريكتو، ويعرف يحتويها ويحترمها وقت الاختلاف قبل وقت الاتفاق. كيعجبو يسافر، يكتاشف بلايص جديدة ويعيش الحياة بتوازن، ويكون منفتح على التجارب الزوينة. والأهم عندي يكون بيناتنا تفاهم، راحة، ضحك، ثقة واحترام متبادل، ونكونو سند لبعضياتنا فالحياة. ما كنقلبش على إنسان كامل، غير على واحد يكون صادق مع راسو ومعايا، وعندو نية يبني علاقة مستقرة وحياة زوينة بجوج. 🤍