Caelum

ملتزم دينيا وفي مرجعية اسلامية واضحة طالب للعلم الشرعي حافظ للقران او يحفظه. له إسهام في الدعوة إلى الله او تحفيظ القران شخص متقارب في الأتجاهات والمسارات اللي ماشية فيها مثال: يكون طبيب، صانع محتوى، صاحب بزنس، يكون شخص طموح ومتعدد الشغف، متطوع، مهتم بصحته النفسية والجسدية، بيخصص وقت للرياضة. عنده عقلية التطور والطموح والتحدي والتغيير ومؤمن أن اي حد لما يريد اي شيئ هيوصله. مستقل في كل حاجه بيعرف يخدم نفسه وبيعمل كل حاجه لنفسه. المشاركة " يعني دا أحد الاهداف الرئيسية للزواج " انا عايزه نعمل كل حاجه سوا _إن امكن _ ، مبتكلمش عن صورة قهرية أو مرضية لكن أنا عايز شريك حياة. مثقف، واعي، محب للمعرفة، واسع الاطلاع. عنده soft skills. دمه خفيف وبيعرف يبتسم ويضحك ويضحّك. منفتح على التجارب الجديدة بيحب المغامرة والاستكشاف. Sweet talker ذوقه حلو في كل حاجة، وبيحب الفن. الشجاعة والجرأه والقوة، العفو، الكرم..الخ كل الأخلاق الاسلامية. بقدس الصدق مش بسامح في الكدب، أي نوع من تغير الحقائق غير مقبول. إنسان الإنسانية عندي صفه مهم، أن زوجي يكون إنسان مدرك إنه بيتعامل مع إنسان. كاريزما عنده شخصية قوية وقيم ومبادئ. فكرة أن اكون انا في دايرة ابعد من الباقي..، شرح: لو قولنا ان الناس حولينا ببتقسم في دواير اجتماعية وكل دايرة بندلها مقدار من الوقت والجهد والمعرفة عننا وعن خططتنا واهدفنا ونوايانا وبنشاركهم اجزء من شخصيتنا على حسب مكانهم هم في انهي دايرة وانا ميهمنيش باقي الدواير لكن هتلكم عن اول دايرة وهي دايرة بندلها وقت كبير من يومنا وبندلها طاقه وجهد كتير وبنشاركهم حاجات كتير وبيكون ليهم وصول اكبر لينا ولدواخلنا وتاثير اكبر على حياتنا وقراراتنا..، أنا الدايرة الاولى فاضية تمامًا فبالتالي مستنية المثل إني أكون الوحيدة في الدايرة دي وميكونش ليا منافس فيها -دا شرط- هل بمعنى التملك؟ لا، لأني مش هتحكم فيك كشخص او في افعالك لكن طلبت ان ميكونش حد بهذا القرب غيري احترام حدودي مهم جدًا المرونه والتكييف مع سرعة التغيير لأني شخص بتغير بسرعه وعندي شخصيات كتير.