Lyly me

شريك حياتي نتمناه رجل ناضج وواعي يعرف بلي الزواج ما هوش مجرد حب أو توافق في البداية وإنما عهد ومسؤولية واختيار يومي بين زوج أشخاص قررو يبنيو حياة كاملة مع بعض نتمناه يخاف ربي وعندو مبادئ وقيم ثابتة ويكون واضح وصريح في نواياه يحترم المرأة ويقدرها ويشوفها شريكة حقيقية في حياتو وقراراتو ماشي مجرد زوجة نحب يكون مسؤول ويعرف معنى القوامة بمعناها الصحيح من حماية واحتواء وتحمل للمسؤولية ماشي تحكم وسيطرة نحب الزواج بيناتنا يكون مبني على المودة والرحمة والاحترام والثقة ويكون فيه حوار حتى في الاختلاف وكل واحد يعرف كيفاش يحتوي الآخر ويكون سند ليه نحب نعيش معاه تفاصيل الحياة البسيطة قبل الكبيرة ونفرحو بنجاحات بعضانا ونوقفو مع بعض في الأوقات الصعبة نحب نبنيو بيت يكون فيه الأمان والسكينة والدفء بيت نربيو فيه أولادنا على الحب والقيم والأخلاق ويكون فيه كل واحد حاس بلي عندو مكان آمن يرجع ليه مهما كانت ظروف الحياة ما نبحثش على شخص كامل نبحث على رجل عندو نضج وضمير ويعرف قيمة الميثاق اللي يجمع بين الزوجين ويكون مستعد يبني ويصلح ويحافظ على العلاقة ماشي يهرب أول ما تواجهو صعوبة وبالنسبة لي الزواج الحقيقي هو أنك تلقى شخص تختارو وتختارك وتكونو فريق واحد في الدنيا وتعاونو بعضاكم باش تقربو لربي وتكبرو مع بعض فكريا وإنسانيا ودينيا وتكون الحياة بيناتكم سكن ومودة ورحمة 🤍