جبر قلوب عبادة.

‎إذا شفت زوز يحبوا بعضهم و عايشين فرحانين و متفاهمين و ديما يضحكو ، ما تقولش قداش مزهارين ! ‎في العلاقات و بين زوز يحبو بعضهم ما فماش حاجة إسمها زهر ! فمّا برشاااااا صبر وقوّة و تضحيااات.. ‎أنت ببساطة معندكش فكرة عن كمية التنازلات اللي عملوها .. ‎و ما تعرفش العيوب اللي تجاهلوها و غصبوا على رواحهم يتعايشو معها ويصلحوها من غير ما يجرحو بعضهم ولا يسمع بيهم حدّ.. كلّ شيء بستر ربّي العالي .. ما تقولش اش لزّني نغصب على روحي خاطر ما فماش إنسان على وجه الأرض كااامل متكامل .. ‎ما تعرفش قداش من غلطة وزلة غفروها لبعضهم ، قداش تسامحو من مرة و قداش من مرة قالو "ما لينا كان بعضنا "في قمة الغش و العرك .. ‎متنجمش تتخيل كمية المشاكل الي تحملوها و ما سلموش في بعضهم ، قداش عداو باش يكملو حياتهم مع بعضهم.. ‎وما تعرفش الوقت اللي عداوه بصعوبة والغصرات الي شافوهم..باش يفهمو بعضهم .. ‎ما شفتش الدموع و الجرح اللي داواوه بالصبر ‎الحب ما عمرو ما كان بالزهر. ‎الحب عطاء متبادل وقناعة ، الحب رحمة كبيرة من عند ربي و حلمة بين زوز تكبر بكلمة : ‎ما نسلمش فيك. ❤ ‎الحب مواقف ورحمة وصبر من الزوز.. ‎ساهل تعرس اما صعيب تلقى شريك حياتك 👏