أنه اليقين

لو وصلت لهنا فأهلا ومرحبا بك يا سيدي الفاضل طبعا انت مستنى اكتب مواصفات الراجل الخارق اللى بينور فى الضلمة .. لا والله اتقل بس لانى الموقع شكله حكايته حكايه بعالمه.. المهم لو حضرتك متزوج وهتقولى الشرع حلل من أكون عشان تحكى اصلا فيما احل الله .. بس أنا مش عايزه اكون زوجة تانية والشرع حللى بردو اختار ☺️. طيب لو كنت منفصل أو مطلق ولديك اولاد .. وممكن تكون الشخص اللى بدور عليه اصلاااا واجدع واحسن واحد هقولك ياريتنى قابلتك زمان لكن دلوقتي الوقت ولي وكان .. اعمل ايه انا بقااا مش بيدى 🥺 أما إذا كنت أربعينى أو على مشارفها زي حلاتى كده فأهلا وسهلا بك ومن هنا نقولك صفات الراجل الخارق اومال هسيبك كده لا وربنا بصي يا سيدي رجلا يعرف الله ويعامله فى كل شئ .. خلوق ذكى مثقف طبعا بيصلى عقليته مميزة أوى أوى أوى .. ناضج كده لما اتناقش معاه أحسه مليان مش فاضي .. طموح ومسئول يعرف يعنى ايه بيت وأسرة .. يعرف يتناقش ويقنع ويهون الموقف مش مع اى مشكلة يقعد يشتكى لاااا اجمد كده دى دنيا مش جنة ..ولا عزاء للضعفاء .. عنده لكل أزمة حل .. لانه إيجابي مش ساحر سمعاك .. ربنا ييسر إلى بيهون ويسر الأمر .. جينتل مان فى كلامه بيعرف يختار كلامه ومش بذيئ .. المؤمن ليس بلعان يا سيدنا .. فرفوش وبيعرف يضحك لكن مش تافه أو لزج 🤦 كريييييييم وبذمتك فيه احلى من كرم الرجال..دا شيمة من شيم الرجال منذو خلقوا على الأرض . هين لين مش جلاد مش طالبة انا مش ملاك أنا إنسانة بخطئ وهخطئ فهمنى بالود واللين تكسب القلب حتى لو من حديد . . هتقولى مش عايز نكدية خد الباب في ايدك احنا ستات العاطفة تغلب علينا لم تخلق زيكم ودا اعجاز ربنا فبلاش احلام العصارى إذا كان الراجل بمنطقه بينكد ويتعصب .. الفكرة أعمق وانضج تقبلت عرفت تتعامل وهنئت لك الحياة .. كنت فاكرها بمبي موعدكش ابسروتلى انا واقعية ومش بوعد وعود كدابة على رأى الاستاذ تامر عاشور . ببساطة الحكاية تبدأ من عندك يا سيدي .. وتنتهى بردو عندك واحنا فين ؟؟ احنا فى حياتكم ننعم بزخم من نعم الله ومنها رجلاااا فى زمن قلما تجد فيه رجلاااا .. باقي الصفات بعدين بقااا 😅