محمدمؤمن

أنا شخص بسيط وواقعي، والحمد لله ربنا مكرمني في حياتي، وعندي استقرار مادي واجتماعي كويس، وبحاول دايمًا أطور من نفسي وأبني مستقبلي بنفسي. أنا من أسرة متوسطة ومحترمة، وبيتنا ليه خصوصيته وحدوده، وفي نفس الوقت بنحب بعض ونتجمع في المناسبات والعزومات والأعياد، وكل ده في إطار من الاحترام والأدب. وعندنا كل بيت له خصوصيته، والرجالة ليهم قعدتهم والستات ليهم قعدتهم، عشان كل الناس تبقى مرتاحة ويحصل التجمع من غير أي تجاوز للحدود. الحمد لله عندي شقة تمليك ومجهزها، وبجهزها أكتر واحدة واحدة، وهدفي إني أعمل بيت مستقر وهادي يكون فيه راحة وأمان ومودة. أنا بطبعي بحب المسؤولية، والوضوح، والالتزام، ومش بحب المظاهر أو المقارنات. مؤمن إن الجواز شراكة، وإن الراجل يكون مسؤول عن بيته ويوفر لمراته الأمان والاحتواء، وفي المقابل تكون بينهم مودة ورحمة واحترام متبادل. وبالنسبة للدين، أنا بحاول أكون ملتزم وأخاف ربنا على قد ما أقدر، ومهم عندي إن بيتي في المستقبل يكون قائم على الدين والأخلاق والاحترام، من غير تشدد ولا تعقيد.