Amal_New

السلام عليكم صديقتي دلتني على هذا الموقع وقالت لي يمكن القى فيه ناس عندهم حكمة او مروا بتجارب مشابهة يساعدوني افهم وضعي وطرحي للموضوع ابي فيه راي ونصيحة تفهمني وش اللي امر فيه قصتي اني تزوجت رجل وبعد زواجنا تبين ان عنده مشكلة بالانجاب وقتها رضيت باللي قدره الله لي معه ووقفت جنبه وما كان هالشي سبب يخليني افكر بالطلاق بعد فترة فكرنا نبدأ رحلة العلاج لكن وقتها دخلت آراء من حوله بالموضوع وكانت اخته تقنعه ان بدل ما يحط فلوس العلاج يجرب الزواج ويمكن الله يكتب له الخير ويرزقه بطفل ومع كثرة الكلام تأثر برايها وصرف النظر عن العلاج وقتها قلت له بكل هدوء اني اتفهم قراره لكن انا بعد لي حياة ابي اعيشها ورغبة ان يكون لي اطفال وما اقدر اكمل بنفس الطريق بعد ما تغيرت قناعتنا لذلك اخترت اني اكمل طريقي وطلبت الطلاق وبعد محاولات منه اني اتراجع عن قراري تم الطلاق وكل واحد راح بطريقه اذكر هالتفاصيل فقط حتى يكون واضح اني ما تركته بسبب مشكلة الانجاب نفسها لاني كنت مستعدة اكمل معه وامشي معه بطريق العلاج لكن اللي تغير هو الطريق اللي اخترناه بعد الطلاق حاول يرجع اكثر من مرة لكني رفضت ومن الاسباب اللي اثرت على قراري وقتها كثرة التدخلات اللي صارت بيننا اليوم مضى على طلاقي عشر سنوات والله يشهد اني ما عاد عندي رغبة بالرجوع للماضي ولا افكر فيه ولا احمل له كره او حقد لكني احاول افهم نفسي اكثر وهل بعض آثار التجربة ممكن تبقى مع الانسان حتى لو تجاوز الشخص نفسه خلال هالعشر سنوات تقدم لي اكثر من شخص لكن كل مرة احس بتردد وخوف من اتخاذ القرار واذا فتح اهلي موضوع الزواج اتوتر واحاول اقفل الموضوع مع ان اهلي ولله الحمد ما قصروا معي ابد واحتووني ووقفوا معي بعد الطلاق وما حسيت يوم اني كنت وحدي وصار فيه كلام ان سبب رفضي للزواج اني ابي ارجع له وهذا الشي غير صحيح نهائيا صرت اسال نفسي هل اللي فيني مجرد اثر من التجربة وهل ممكن الانسان يتجاوز الشخص لكن ما يتجاوز اللي صار له انا ما ابي احكم على الماضي ولا ابحث عن من كان الصح ومن كان الغلط قد ما ابي افهم نفسي يمكن بعضكم يقول دامك للحين مو مستعدة لا تستعجلين ويمكن هذا هو الصحيح لكن خوفي ان يمر العمر وانا للحين ما فهمت سبب اللي فيني سؤالي لكم هل اللي احس فيه طبيعي بعد عشر سنوات وهل خوفي من الزواج نفسه او من تكرار التجربة وهل الافضل احاول ابدأ حياة جديدة او انتظر لين افهم سبب خوفي اتمنى من اخواني واخواتي اللي عندهم حكمة او مروا بتجربة مشابهة يعطوني رايهم يمكن القى جواب يريحني ويفهمني وش اللي امر فيه واتمنى تكون الردود في إطار النصيحة والرأي لاني هدفي افهم نفسي وافهم وش اللي امر فيه