Morizk28

اولا كان ليا اكونت قديم ومن زمان لدرجة اني حتي مش فاكر اي حاجه عنه وأعتقد انه اتقفل أنا في ملخص واختصار شديد حد بيحب الهدوء مش بحب المشاكل وال النكد سهل التعامل معاه بعشق القهوة بطريقه جنونيه والأهلي متعصب كروي وده غصب عني بس مش بجنون يعني وبالمناسبه معنديش مانع في فوارق السن المهم تكون سهلة المعاشره وتكون بشوشه وللي مهتمين بالأبراج أنا برج الأسد الأصل صعيدي وبالمناسبه مدخن عشان بس محدش يجي يقولي طب بعد الجواز مش ممكن تبطل هو لو كنت عاوز ابطل سجاير كنت بطالتها من زمان مش هستني الجواز عشان ابطل وملحوظه مهما أنا مش مالتي مليونير وال تاجر أثار عشان يكون عندي شقة في مافيدا وال بألم هيلز وال مدينتي حتي هي مستوره والحمد لله لكن أنا مش ثري عربي عشان تيجي واحده تكون عاوزه شبكة من لازوردي وفيلا في بيفرلي وتقولي الڤيو يكون علي جاردن وهي من الأساس ساكنه في بولاق الدكرور يا جماعه مش كل الرجاله ساويرس وال ابو هشيمه المهم الراجل الجدع اللي يتقي ربنا فيكي ويكون راجل بجد مش شبه راجل والسلام عليكم ورحمة الله وبركاته 😀😀